நீதியைத் தேடி " ரீகன். ஜெயக்குமார்

மனிதம் தேடும்மனிதா அதனைத் தேடி 
தனியாகச் சுற்றுகிறது இவ்வுலகு

நீதியைத் தேடி நெடுநாள் அலைந்தவனே 
நீதியே நீதியைத் தேடி ஓடுகிறதே.

நல்லார் மதிக்கும் நடுவுநிலமையைத் தேடும்
பொல்லாப்பெதற்கு உனக்கு

அதிகார வெறியரிடம் அன்பைத் தேடி 
அலையாதே அது உன் பேதமை.

இன்னுமா தேடுகின்றாய் மானிடனே 
தன்னையே ஒறுத்து  தனியாக
இன்னுமா தேடுகின்றாய்.

தேடலில் வளைந்த முதுகு 
தேர்ச்சில்லாய்  வளைந்து 
காடேறும் முதுமையைக் 
காட்டி  நின்ற  போதும்

தேடலை விடவில்லை நீ
தென்பட்டால் சொல்லுகிறேன் 
பாடாகப் பட்ட பாடு சொல்லப்
பார்த்திருக்கின்றாய் என்று.