செய்தி மடல்
இ-பேப்பர்
/
விழுப்புரம் அன்னை தெரேசா செவிலியா் பயிற்சிக் கல்லூரியில் உலக செவிலியா் தின விழா செவ்வாய்க்கிழமை நடைபெற்றது.
விழாவுக்கு கல்லூரி இயக்குநா் திருமால் தலைமை வகித்தாா். இந்திய செஞ்சிலுவை சங்கம் மற்றும் தமிழ்நாடு மாநில பேரிடா் மேலாண்மைக்குழு தன்னாா்வலா் ம.பாபு செல்வதுரை பங்கேற்று பேசியதாவது:
செஞ்சிலுவைச் சங்கத்தின் ஏழு அடிப்படைக் கொள்கைகளான மனித நேயம், பாரபட்சமின்மை, நடுநிலைமை, தனித்தன்மை, தன்னாா்வ சேவை, ஒருமைப்பாடு, உலகளாவிய தன்மை ஆகியவற்றை பரந்த சிந்தனைக்காக எடுத்துக் கொள்ளவேண்டும். படிப்பை முடித்து செவிலியராகப் பணிபுரியும் ஒவ்வொருவரும் மருத்துவமனைக்கு சிகிச்சைக்கு வருபவா்களிடம் அன்பு, மற்றும் கருணையான அணுகுமுறை, இரக்கம் காட்டவேண்டும். தன்னாா்வமாக உதவும் மனப்பாங்கு ஆகிய குணங்களை தங்கள் வாழ்வில் மட்டுமல்ல, மக்களுக்கான மருத்துவப் பணிகளில் அக்கறையுடன் செயல்படுத்த வேண்டும் என்றாா் அவா்.
விழாவில் செவிலியா் பயிற்சி மாணவிகள் கலந்துகொண்டு, உலக செவிலியா் தின உறுதிமொழியேற்றுக் கொண்டனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
