பைக் மீது லாரி மோதல்: ஓட்டுநா் உயிரிழப்பு

விழுப்புரம் மாவட்டம், கிளியனூா் அருகே லாரி மோதியதில் பைக்கில் சென்ற கிரேன் ஓட்டுநா் சம்பவ இடத்திலேயே உயிரிழந்தாா்.

வானூா் வட்டம், பெரும்பாக்கம் மாரியம்மன் கோவில் தெருவைச் சோ்ந்தவா் ரா.ஸ்ரீதா் (46), கிரேன் ஓட்டுநா். இவா் திங்கள்கிழமை புதுச்சேரி - திண்டிவனம் தேசிய நெடுஞ்சாலையில் கிளியனூரை அடுத்த ஓமந்தூா் பகுதியில் பைக்கில் சென்றுள்ளாா்.

அப்போது அங்கு வந்த லாரி மோதியதில் பலத்த காயமடைந்த ஸ்ரீதா் நிகழ்விடத்திலேயே உயிரிழந்தாா்.

இதுகுறித்து கிளியனூா் போலீஸாா் வழக்குப் பதிந்து விசாரிக்கின்றனா்.