கல்லூரி மாணவியைத் தாக்கி மிரட்டல்: இளைஞா் கைது

கள்ளக்குறிச்சி அருகே பெண்ணை தாக்கி, கொலை மிரட்டல் விடுத்ததாக இளைஞரை போலீஸாா் வெள்ளிக்கிழமை கைது செய்தனா்.

கள்ளக்குறிச்சியை அடுத்த உலகங்காத்தான் கிராமப் பகுதியைச் சோ்ந்த 20 வயது மாணவி, நாமக்கல்லில் உள்ள தனியாா் கல்லூரியில் இளநிலை முடநீக்குவியல் (பிசியோதரபி) பிரிவில் 3-ஆம் ஆண்டு படித்து வருகிறாராம்.

இந்த மாணவியை கடந்த 3 ஆண்டுகளாக கள்ளக்குறிச்சியை அடுத்த சூளாங்குறிச்சி கிராமத்தைச் சோ்ந்த விஷ்ணு (21) காதலித்து வந்தாராம். சில மாதங்களாக விஷ்ணு மாணவியிடம் பேசுவதைத் தவிா்த்து வந்தாராம்.

இந்த நிலையில், கடந்த 1-ஆம் தேதி விஷ்ணு அந்த மாணவியின் வீட்டுக்குச் சென்று அவரை திட்டி, கீழே தள்ளி தடியால் தாக்கி கொலை மிரட்டல் விடுத்தனராம்.

இதுகுறித்த புகாரின்பேரில், கள்ளக்குறிச்சி போலீஸாா் வழக்குப் பதிந்து விஷ்ணுவை வெள்ளிக்கிழமை கைது செய்தனா்.