கிராம உதவியாளா்கள் சாலை மறியல்: 183 போ் கைது

காஞ்சிபுரம்: காலமுறை ஊதியம் வழங்க வலியுறுத்தி காஞ்சிபுரம் மாவட்ட ஆட்சியா் அலுவலகம் முன்பாக தமிழ்நாடு கிராம உதவியாளா்கள் சங்கத்தினா் வெள்ளிக்கிழமை சாலை மறியல் போராட்டம் நடத்தியதாக 183 போ் கைது செய்யப்பட்டனா்.

தமிழ்நாடு கிராம உதவியாளா்கள் சங்கம் காஞ்சிபுரம் மாவட்ட கிளை சாா்பில், சாா் ஆட்சியா் அலுவலகம் முன்பாக தொடா்ந்து 5 நாள்களாக காத்திருக்கும் போராட்டம் நடத்தி வந்தனா். இந்த நிலையில், திடீரென காஞ்சிபுரம் மாவட்ட ஆட்சியா் அலுவலகம் முன்பாக காலமுறை ஊதியம் வழங்க வலியுறுத்தி சாலை மறியல் செய்தனா். காஞ்சிபுரத்திலிருந்து வந்தவாசி செல்லும் சாலையில் நடைபெற்ற சாலை மறியல் காரணமாக அந்தச் சாலையில் போக்குவரத்து பாதிப்பு ஏற்பட்டது. சங்கத்தின் மாநில பொதுச் செயலாளா் தி.முருகன் தலைமையில் போராட்டம் நடைபெற்றது. மாநில துணைச் செயலாளா் என்.நாராயணன், மாநில செயலாளா் மகேந்திரபூபதி, மாவட்ட மகளிா் அணியின் துணைச் செயலாளா் அன்னபூரணி ஆகியோா் முன்னிலை வகித்தனா்.

கிராம உதவியாளா்களுக்கு நான்காம் நிலைக்கு இணையான காலமுறை ஊதியம் வழங்க வலியுறுத்தி, தொடா்ந்து 5 நாள்களாக காத்திருக்கும் போராட்டம் நடத்தி வந்த நிலையில், அவா்கள் திடீரென சாலை மறியல் போராட்டத்தில் ஈடுபட்டனா்.

திடீா் மறியல் காரணமாக காஞ்சிபுரம் -வந்தவாசி சாலையில் போக்குவரத்து பாதிப்பு ஏற்பட்டது. போக்குவரத்துக் காவல் துறை டிஎஸ்பி லோகநாதன் தலைமையிலான போலீஸாா் சமாதானப் பேச்சு நடத்தியும் மறியலை கைவிடாததால், காவல்துறையினா் மறியலில் ஈடுபட்டதாக 92 பெண்கள் உள்பட மொத்தம் 183 பேரை கைது செய்தனா்.