செய்தி மடல்
இ-பேப்பர்
விடுதலை: கவிஞர் இரா .இரவி
Updated On :6 ஆகஸ்ட் 2025, 12:17 pm
/
வணிகம் செய்ய வந்தவன் வெள்ளையன் நம் நாட்டை
வசப்படுத்தி அடிமையாக்கிக் கொள்ளை அடித்தான் !
இம் என்றால் சிறைவாசம் ஏன் என்றால் வனவாசம்
என்று மக்களைக் கொடுமைப் படுத்தினான் !
விடுதலை வேண்டிப் போராடினார்கள் அன்று
வியர்வையும் ரத்தமும் சிந்திப் போராடினார்கள்!
வீரபாண்டிய கட்டபொம்மன் விடுதலைக்காக
வீரத்துடன் போராடி வீர மரணம் அடைந்தான் !
வேலுமங்கை வீர நாச்சியார் வெள்ளையரோடு
வேங்கையென பாய்ந்து வீரப் போர் புரிந்தார் !
குயிலி வெடிமருந்துக் கிடங்கில் தீயுடன் குதித்து
குவலயத்தின் முதல் தற்கொலைப் படையானாள் !
தடியடி பெற்றனர் சிறைக்குச் சென்றனர்
தள்ளாத வயதிலும் போராட்டம் நடத்தினர் !
கடலில் கிடைக்கும் உப்புக்கு வரி விதித்தான்
காந்தியடிகள் தண்டி யாத்திரை நடத்தினார் !
அயல்நாட்டுத் துணிகளை மக்கள் புறக்கணிக்க
அண்ணல் காந்தியடிகள் மக்களிடம் வேண்டினார் !
பொது இடத்தில் குவித்து வைத்து தீ இட்டனர்
பொது மக்களும் வேண்டுகோளை நிறைவேற்றினர் !
கொடியைக் காத்து உயிரை விட்ட திருப்பூர்
குமரன் மக்கள் மனதில் இடம் பிடித்தான் !
செக்கை இழுத்து சிறையில் வாடி வதங்கிய
செந்தமிழர் வ .உ .சி நெஞ்சமெல்லாம் நிறைந்தார் !
நேதாசி சுபாசு சந்திரா போசு அவர்கள்
நாளும் படை திரட்டி ஆயுத வழி போராடினார் !
அமைதிவழி ஆயுதவழி இரு வழியிலும்
ஆங்காங்கே போராட்டம் புயலானது !
வேறு வழியின்றி வெள்ளையன்
விடுதலை வழங்கிச் சென்றான் !
இங்கிலாந்துக்காரன் மட்டுமே ஆண்டான் அன்று
எல்லா நாட்டுக்காரனும் ஆளுகிறான் இன்று !
உலகமயம் என்ற பெயரில் நம் நாட்டை
உலகமே கொள்ளை அடித்து மகிழ்கின்றது !
இன்னுமொரு விடுதலைப் போராட்டம்
இளைஞர்கள் தொடங்கும் நாள் வரும் !
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
டிரெண்டிங்
ஓடிடியில் வித் லவ் எப்போது?
தயாரிப்பாளராகும் பிரதீப் ரங்கநாதன்?
திமுக ஓர் அரசியல் இயந்திரம்; அதிமுக, தவெகவை புறக்கணிக்க முடியாது: காங்கிரஸ் எம்.பி.
மீண்டும் தொடர் போராட்டத்தில் அண்ணாமலை பல்கலை ஆசிரியர், ஊழியர் கூட்டமைப்பினர்!
வீடியோக்கள்
வீடியோக்கள்
தி பாரடைஸ் ஃபர்ஸ்ட் சிங்கிள் விடியோ!
தினமணி வீடியோ செய்தி...
15 மணி நேரங்கள் முன்பு
வீடியோக்கள்
#T20WC | வான்கடேவில் அதகளப்படுத்திய விண்டேஜ் வெஸ்ட் இண்டீஸ்: இந்தியாவுக்குச் சிக்கல்! |
தினமணி வீடியோ செய்தி...
17 மணி நேரங்கள் முன்பு
வீடியோக்கள்
ADMK Kalyana Sundaram Interview | எடப்பாடி ஏன் பணம் கொடுக்கிறார் ? | DMK | MK Stalin | EPS | ADMK
தினமணி வீடியோ செய்தி...
17 மணி நேரங்கள் முன்பு
வீடியோக்கள்
பட்டதாரி இளைஞர்களுக்கு மாதம் ரூ. 2,000 வழங்கப்படும்! அதிமுகவின் 3-ஆம் கட்ட தேர்தல் வாக்குறுதிகள்!
தினமணி வீடியோ செய்தி...
22 மணி நேரங்கள் முன்பு