சூரிய தாகம்: லூர்து எஸ் ராஜ்

சூரியனின் தாகம் இப்போத திகமானது ; அதன்
சுட்டெரிக்கும் வெயிலலையோ சுழன்று வீசுது.
மேனியிலே வியர்வை ஊற்று பெருக்கெடுக்குது
மீண்டும் மீண்டும் நீரைநம் நாவு தேடுது.

பூமிப் பந்தை எரிப்பது போல் அனலும் வீசுது;
பொதிந்துள்ள கடல் நீரும் கொதித்துக் குதிக்குது.
எல் நினோ விளைவு என்றேல்லாரும் சொல்கின்றார்;
எப்படித்தான் இவ்வெப்பத்தை தாங்கிடுவோமோ?

புவிமுழுதும்  காத்திடுமோர்  குடையைச் செய்வோமா ?
அவியாமல் உலகங் காக்கும்  மூடி செய்வோமா?
இனியும் நாம் தாமதித்துக் கொள்ளளலா குமோ?
மனிதன் நினைத்தால் மண்ணிலே ஆகாததுண்டோ ?

பச்சைப் பட்டுடுத்தி வைத்தால் பாதுகாப்பாம் ; பூமியின்
பறந்து விரியும்  வனக்குடையால் வெப்பம் தீருமாம்; நாமும்
மரங்கள் நட்டு மாநிலத்தைக் காத்திடுவோமா? இந்த
மார்க்கமிதை  மறவாமல் இன்றே செய்வோமா?