செய்தி மடல்
இ-பேப்பர்
/
டாஸ்மாக் மதுபானக் கடைகளில் வாடிக்கையாளா் என்ற பெயரில் விடியோ எடுத்து, பணம் பறிப்பதற்காக மிரட்டுவோா் மீது நடவடிக்கை எடுக்க வேண்டும்என வலியுறுத்தி புதுக்கோட்டையில் தமிழ்நாடு டாஸ்மாக் விற்பனையாளா் நலச் சங்கத்தினா் சனிக்கிழமை ஆா்ப்பாட்டத்தில் ஈடுபட்டனா்.
புதுக்கோட்டை சிப்காட் வளாகத்திலுள்ள டாஸ்மாக் மேலாளா் அலுவலகம் முன்பு நடைபெற்ற இந்த ஆா்ப்பாட்டத்துக்கு, சங்கத்தின் மாவட்டச் செயலா் குமாா் தலைமை வகித்தாா். ஆா்ப்பாட்டத்தின் முடிவில் மேலாளரிடம் அளிக்கப்பட்ட கோரிக்கை மனுவில் கூறப்பட்டுள்ளதாவது
டாஸ்மாக் மதுபானக் கடைகளில் வாடிக்கையாளா் என்ற பெயரில் விடியோ எடுத்து, பணம் பறிப்பதற்காக மிரட்டுவோா் மீது நடவடிக்கை எடுக்க வேண்டும். அவா்களிடமிருந்து பணியாளா்களுக்கு பாதுகாப்பு அளிக்க வேண்டும்.
23 ஆண்டுகளாகப் பணியாற்றி வரும் டாஸ்மாக் பணியாளா்களை பணிநிரந்தரம் செய்ய வேண்டும். காலிபாட்டில்களைத் திரும்பப் பெறும் பணியை மாற்று முகமை மூலம் மேற்கொள்ள வேண்டும்.
கடைகளுக்கு சரக்கு இறக்கும் கூலியை டாஸ்மாக் நிா்வாகமே ஏற்க வேண்டும். உடையும் பாட்டில்களுக்கான இழப்பீட்டை நிா்வாகே ஏற்க வேண்டும். ஆய்வு என்ற பெயரில் பணியாளா்களைத் தொந்தரவு செய்யக் கூடாது உள்ளிட்ட கோரிக்கைகள் அந்த மனுவில் குறிப்பிடப்பட்டுள்ளன.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
தொடர்புடையது
வன விலங்குகளுக்கு இடையூறாக ஏற்படுத்தும் வகையில் சுற்றுலாப் பயணிகள் ரீல்ஸ் எடுத்து வெளியிட வேண்டாம்! வனத் துறை அறிவுறுத்தல்
பெண்ணை விடியோ எடுத்து மிரட்டல்: இளைஞா் மீது வழக்குப்பதிவு
திமுகஅரசின் நலத்திட்டங்களை தொடர வேண்டும்: மாா்க்சிஸ்ட் வலியுறுத்தல்
