சவூதியில் உயிரிழந்தவரின் குடும்பத்துக்கு நிதி உதவி

சவூதி அரேபியாவில் உயிரிழந்த தொழிலாளி குடும்பத்துக்கு சக தொழிலாளா்கள் வியாழக்கிழமை நிதியுதவி வழங்கினா்.

சிவகங்கை மாவட்டம், மானாமதுரை அருகேயுள்ள இடைக்காட்டூரைச் சோ்ந்தவா் சரவணகுமாா் (49) . இவா் சவூதி அரேபியாவில் பணியாற்றிய போது, கடந்த ஏப்ரல் மாதம் மாரடைப்பால் உயிரிழந்தாா். இவரது குடும்பத்துக்கு கேரள மாநிலத்தைச் சோ்ந்த ஆசிா் பிராவசி சங்கம் சாா்பில் ரூ.5.66 லட்சம் நிதி உதவி வழங்கப்பட்டது.

இது தொடா்பாக சிவகங்கை மாா்க்சிஸ்ட் கம்யூனிஸ்ட் கட்சி அலுவலகத்தில் நடைபெற்ற நிகழ்வுக்கு மாவட்டச் செயலா் மோகன் தலைமை வகித்தாா்.

இதில் கேரள மாநிலத்திலிருந்து வந்த ஆசிா் பிரவாசி சங்க நிா்வாகிகள் முன்னிலையில் மாா்க்சிஸ்ட் கம்யூனிஸ்ட் மாநில செயற்குழு உறுப்பினா் அா்ஜுனன், சரவணகுமாா் மனைவி சரிதாவிடம் நிதியை வழங்கினாா். அப்போது, அவரது மகன், மகள் உடனிருந்தனா்.

இது குறித்து ஆசிா் பிரவாசி சங்கம் பொறுப்பாளா் ஜலீல் கூறியதாவது:

ஆசிா் பிரவாசி சங்கம் என்பது சவூதி அரேபியாவின் ஆசிா் பகுதியில் வசிக்கும் இந்திய வம்சாவளியினருக்கான தன்னாா்வ வெளிநாட்டவா் அமைப்பாகும். உடல் நலன் பாதிக்கப்பட்டவா்களுக்கும், உயிரிழந்தவா்களுக்கும் நிதி உதவி வழங்கி வருகிறோம். தற்போது வரை 85 நபா்களுக்கு குடும்ப நிதி உதவி வழங்கியிருக்கிறோம். சரவணகுமாா் ஓட்டுநராகப் பணியாற்றி எங்கள் சங்கத்தில் உறுப்பினராக இருந்து வந்தாா். அவா் கடந்த ஏப்ரல் மாதம் மாரடைப்பால் உயிரிழந்தாா். அவருக்கு இந்தச் சங்கத்தின் சாா்பில் ரூ. 5.66 லட்சம் நிதி உதவி வழங்கப்பட்டுள்ளது என்றாா் அவா்.

இந்த நிகழ்வில் சங்கத்தின் பொறுப்பாளா்கள் அஷ்ரப், சுல்பி, மாா்க்சிஸ்ட் கம்யூனிஸ்ட் கட்சியின் மாவட்ட செயற்குழு உறுப்பினா்கள் வீரபாண்டி, கருப்புசாமி, முத்துராமலிங்க பூபதி, மணியம்மா, சேதுராமன், அயப்பாண்டி சுரேஷ் உள்ளிட்டோா் கலந்து கொண்டனா்.