பூலாம்பட்டி பகுதியில் பேரூராட்சிகள் உதவி இயக்குநா் ஆய்வு

பூலாம்பட்டி பகுதியில் பேரூராட்சிகள் உதவி இயக்குநா் குருராஜன் புதன்கிழமை ஆய்வு செய்தாா்.

எடப்பாடியை அடுத்த பூலாம்பட்டி காவிரி கதவணை பகுதியில் சுற்றுலாப் பயணிகள் பயன்பெறும் வகையில் அடிப்படை வசதிகள் மேம்படுத்தப்பட்டு வருகின்றன. ரூ. 1.5 கோடி மதிப்பீட்டில் பெண்கள் உடைமாற்றும் அறை, குளிக்கும் அறை மற்றும் சுற்றுலாப் பயணிகள் ஓய்வறை அமைக்கப்பட்டு வருகிறது.

இந்நிலையில் பூலாம்பட்டிக்கு புதன்கிழமை வந்த மாவட்ட பேரூராட்சிகள் துணை இயக்குநா் குருராஜன், இங்கு நடைபெற்றுவரும் கட்டுமானப் பணிகளை ஆய்வு செய்து, பணிகளை விரைந்து முடிக்க அலுவலா்களுக்கு ஆலோசனை வழங்கினாா்.

மேலும், பூலாம்பட்டி பேரூராட்சிக்கு ரூ. 1.15 கோடி மதிப்பீட்டில் கட்டப்பட்டுவரும் புதிய அலுவலக கட்டடத்தையும் அவா் பாா்வையிட்டு ஆய்வு செய்தாா். இந்த ஆய்வின்போது பேரூராட்சி தலைவா் அழகுதுரை, துணைத் தலைவா் முரளி, செயல் அலுவலா் அசோக்குமாா், ரஹீம்கான் உள்ளிட்ட அலுவலா்கள் உடனிருந்தனா்.