கிரிக்கெட் வீரர்கள் படித்தது என்ன?

இந்திய கிரிக்கெட் அணியில் இடம்பெற்று உலக அளவில் பிரபலம் அடைந்தவர்கள் பலர். இவர்களில் பலர் அதிகம் படித்தவர்கள். சிலரின் கல்வித் தகுதியை அறிவோம்.

அனில் கும்ப்ளே:

சுழற்பந்து வீச்சாளரான இவர், இந்தியாவுக்காக டெஸ்ட் கிரிக்கெட்டில் மொத்தம் 619 விக்கெட்டுகளை எடுத்தவர். ஆப்பிள், ஜம்போ என்ற செல்லப் பெயர்கள் உண்டு. பி.இ. இயந்திரவியல் படித்தவர்.

ஆவிஸ்கர் சால்வி:

வேகப் பந்து வீசும் திறமையும், பேட்ஸ்மேன் தகுதியையும் பெற்றவர். புதுச்சேரி, பஞ்சாப் அணியின் பயிற்சியாளராக இருந்த இவர், தற்போது ஓமன் அணியின் பயிற்சியாளர். 'ஆஸ்டிரோ பிசிக்ஸ்' பிரிவில் முனைவர் பட்டம் படித்தவர்.

சூர்ய குமார் யாதவ்:

இந்தியா 20/20 கிரிக்கெட் அணியின் இன்றைய கேப்டன். வணிகவியல் படித்தவர்.

ரவிசந்திரன் அஸ்வின்:

இந்திய கிரிக்கெட் அணியிலிருந்து அண்மையில் ஓய்வு பெற்றவர். சென்னை சூப்பர் கிங்ஸ் அணிக்கு மீண்டும் ஆடப் போகிறார். .பி.டெக் (இன்பர்மேஷன் டெக்கனாலஜி படித்தவர்.

முரளி விஜய்:

தமிழ்நாட்டைச் சேர்ந்த இவர், டெஸ்ட் போட்டிகளில் ஒபனிங் பேட்ஸ்மேனாக ஆடியவர். சென்னை சூப்பர் கிங்ஸிலும் ஆடியவர். எம்.ஏ. பொருளாதாரம் படித்தவர்.

ராகுல் டிராவிட்:

'சுவர்' என பிரபலமாக அழைக்கப்பட்டவர். இந்திய அணியில் சிறப்பாக விளையாடி பின்னர், பயிற்சியாளராக வலம் வந்தவர். வணிகவியல் படித்தவர்.

ஜவகல் ஸ்ரீநாத்:

இந்திய அணியின் வேகப் பந்து வீச்சாளர். என்ஜினீயரிங் படித்தவர்.

கே.ஸ்ரீகாந்த்:

கவாஸ்கருடன் பல போட்டிகளில் தொடக்க வீரராக களம் இறங்கிய இவர், இந்திய அணியின் கேப்டனாக இருந்தவர். பின்னர், செலக்டர். இன்று கமென்டேட்டர். பி.இ. மின்னியல் படித்தவர்.

கங்குலி:

தொடக்க வீரர், சிறந்த கேப்டன், செலக்டர், காமன்டேட்டர் என பன்முகத் தன்மைகளைக் கொண்ட இவர், ஐ.ஐ.எம்.-இல் மேனேஜ்மென்ட் கோர்ஸ் படித்தவர்.

ரவி சாஸ்திரி:

ஆல் ரவுண்டராக இருந்து ஓய்வு பெற்ற இவர், இன்று வரை கமென்டேட்டராக இருக்கிறார். வணிகவியல் படித்தவர்.

வெங்கடேஷ் ஐயர்:

கொல்கத்தா நைட்ரைடர்ஸ் அணிக்கு ஆடுபவர். சிறந்த பேட்ஸ்மேன். இந்த ஆண்டு ஐ.பி.எல். ஏலத்தில் மிக அதிக விலைக்கு எடுக்கப்பட்டவர்களில் ஒருவர்.எம்.பி.ஏ., முடித்த இவர், நிதியியலில் முனைவர் பட்டம் பெற்றவர்.