தேங்காய்ப்பால் ஜாமூன்

தேவையான பொருள்கள்:

பாசிப்பருப்பு-200 கிராம்

புழுங்கலரிசி - 100 கிராம்

சர்க்கரை -150 கிராம்

தேங்காய்- 1

ஏலக்காய் -4

எண்ணெய்- பொரிக்கத் தேவையான அளவு

செய்முறை:

தேங்காயைத் துருவி கெட்டியாக பால் எடுத்து வைக்கவும். ஏலக்காயைப் பொடி செய்யவும். சர்க்கரை, தேங்காய்ப்பால், ஏலக்காய் சேர்த்து கலக்கி வைக்கவும். அரிசியையும் பாசிப்பருப்பையும் ஒன்றாக 2 மணி நேரம் ஊற வைத்து, உப்பு சேர்த்து கெட்டியாக, மிருதுவாக அரைக்கவும். அரைத்த மாவை சிறுசிறு உருண்டைகளாக உருட்டி, எண்ணெயில் பொரித்து எடுக்கவும். அதை தேங்காய்ப் பாலில் ஒரு மணி நேரம் ஊற வைத்துப் பரிமாறவும்.