பீட்ரூட் வடாம்

தேவையான பொருள்கள்:

பச்சரிசி- 400 கிராம்

ஜவ்வரிசி- 100 கிராம்

பீட்ரூட்- அரை கிலோ

பச்சை மிளகாய்- 12

எலுமிச்சை பழம்- இரண்டு

உப்பு- தேவையான அளவு

செய்முறை:

பச்சரிசி, ஜவ்வரிசியை மிஷினில் ஒன்றாக அரைக்க வேண்டும். மாவைப் போல் இரண்டு மடங்கு தண்ணீர் சேர்த்து அடுப்பில் வைத்து கொதிக்க வைக்க வேண்டும். அதில், பீட்ரூட் துருவல், உப்பு, காரம் சேர்த்து அரைத்த விழுதைப் போட வேண்டும். வெந்தவுடன் எலுமிச்சைச் சாறு பிழிந்து மாடியில் வெயிலில் வெள்ளைத் துணி விரித்து, அச்சில் போட்டு பிழிய வேண்டும். காய்ந்ததும் எண்ணெயில் போட்டு வெந்ததும் எடுக்க வேண்டும்.