ஒற்றைச் சிறகோடு : கவிஞர் சுகா

இறைவன் படைத்த 
இரட்டைச் சிறகுகளோடு 
குறையொன்றும் இல்லாமல் 
சிறகடித்துப் பறந்தேன் 
மறைந்திருந்து எய்தானோ 
மாயவலை விரித்தானோ 
சிறையிட்டுக் கொள்ளத் துடித்தானோ 
விரைந்து வந்த வில்லம்புக்கு 
இறையாகிப் போனதே - என் 
ஒற்றைச் சிறகு!

நொடிப் பொழுது துடித்தபோதும் 
ஒடிந்துப் போனதென்னவோ 
ஒற்றைச் சிறகு தானே 
உறக்கச் சொன்னேன் - என் 
உள்ளம் பறந்தது வானில் 
இரக்கமற்ற வேடுவனை 
மறந்து பறக்கிறேன்
வியந்தும் பார்க்கிறேன் - என் 
ஒற்றைச் சிறகுக்குள்ளும் 
குவிந்து கிடக்கிறது 

காற்றை எதிர்கொள்ளும் 
போற்றற்கரிய பொக்கிஷமாய் 
மாற்றுச் சிந்தனையெனும்
மாமருந்து உள்ளதென்பதை
உணர்த்திய பொழுதுக்காய் 
உளமார உரைக்கின்றேன் 
நன்றியெனும் நற்சொல்லை