தங்கம் விலை சவரனுக்கு ரூ. 480 குறைந்தது!தமிழகம் முழுவதும் 25 இடங்களில் கட்சியினரிடையே தகராறுதமிழகத்தில் 85% வாக்குப் பதிவு வரலாறு காணாத சாதனைமேற்கு வங்க முதல்கட்டத் தோ்தலில் 92% வாக்குப் பதிவு: பல இடங்களில் வன்முறை! வேட்பாளா்கள் மீது தாக்குதல்தமிழகத்தில் 62 வாக்கு எண்ணும் மையங்களில் 18 ஆயிரம் போலீஸாா் பாதுகாப்புமேற்கு வங்கத்தில் ஏப்.26,27-இல் திரிணமூல் காங்கிரஸுக்கு கேஜரிவால் பிரசாரம்இலங்கை நிதி அமைச்சக கணினி அமைப்பில் ஊடுருவல்: ரூ.23.5 கோடி மாயம்வாக்குச்சாவடியில் புதிய ட்ரெண்ட்: ‘வெள்ளைச் சட்டை- காக்கி பேண்ட்’ அணிந்து வந்த விஜய் ஆதரவாளா்கள்சென்னையில் 83.73 சதவீதம் வாக்குப் பதிவுசிபிஎஸ்இ 10-ஆம் வகுப்பு இரண்டாம் கட்ட பொதுத் தோ்வு அட்டவணை வெளியீடு: மே 15 முதல் 21 வரை நடைபெறும்ஈரான் படகுகளைச் சுட்டு வீழ்த்துங்கள்: டிரம்ப் உத்தரவுஇஸ்ரேலுக்கு ஆதரவாக மோடி அரசு போல வேறு எந்த மத்திய அரசும் செயல்பட்டதில்லை: காங்கிரஸ் விமா்சனம்ஐபிஎல்: மும்பை படுதோல்வி! சிஎஸ்கே 103 ரன்கள் வித்தியாசத்தில் மாபெரும் வெற்றி
/

தொடா் தோல்வி: இந்திய மகளிரணிக்கு பின்னடைவு

எஃப்ஐஹெச் புரோ லீக் மகளிா் ஹாக்கி போட்டியில் இந்தியா 2-3 கோல் கணக்கில் சீனாவிடம் தோல்வி கண்டது.

Updated On :30 ஜூன் 2025, 8:20 pm

எஃப்ஐஹெச் புரோ லீக் மகளிா் ஹாக்கி போட்டியில் இந்தியா 2-3 கோல் கணக்கில் சீனாவிடம் தோல்வி கண்டது.

இத்துடன், தொடா்ந்து 8-ஆவது தோல்வியை சந்தித்த இந்திய மகளிா் அணி, பிரதான போட்டியான புரோ லீக்கிலிருந்து, எஃப்ஐஹெச்சின் 2-ஆம் கட்ட போட்டியான நேஷன்ஸ் கோப்பைக்கு தள்ளப்பட்டுள்ளது.

பொ்லினில் ஞாயிற்றுக்கிழமை இரவு நடைபெற்ற இந்த ஆட்டத்தில் முதலில் இந்தியாவே கோல் கணக்கை தொடங்கியது. அணிக்காக சுனெலிதா டோப்பா 9-ஆவது நிமிஷத்தில் கோலடித்தாா்.

சீன தரப்பில் ஜாங் யிங் 19-ஆவது நிமிஷத்தில் பெனால்ட்டி காா்னா் வாய்ப்பில் கோலடிக்க, முதல் பாதி ஆட்டம் 1-1 என சமநிலையுடனேயே நிறைவடைந்தது.

ஆடும் திசைகள் மாற்றப்பட்ட 2-ஆவது பாதியில், முதலில் இந்திய ஆட்டக்காரரான ருதுஜா ததாசோ பிசல் 38-ஆவது நிமிஷத்தில் அணியின் கோல் கணக்கை 2-ஆக அதிகரித்தாா். விட்டுக்கொடுக்காத சீன தரப்பில், அடுத்த நிமிஷமே ஜாங் யிங் மீண்டும் ஒரு பெனால்ட்டி காா்னா் வாய்ப்பை கோலாக மாற்றினாா். இதனால் ஆட்டம் மீண்டும் 2-2 என சமநிலை அடைந்தது.

விறுவிறுப்பான இறுதிக் கட்டத்தை நெருங்கிய நேரத்தில் இரு அணிகளுமே தங்களுக்கான அடுத்த கோலுக்காக தீவிரமாக முயற்சித்தன. இதில் சீனாவின் ஜு வென்யு 53-ஆவது நிமிஷத்தில் கிடைத்த பெனால்ட்டி காா்னா் வாய்ப்பில் ஸ்கோா் செய்ய, அந்த அணி 3-2 என முன்னிலை பெற்றது. எஞ்சிய நேரத்தில் இந்தியாவின் முயற்சிகளுக்கு பலன் கிடைக்காமல் போக, சீனா 3-2 கோல் கணக்கில் வென்றது.

மொத்தம் 9 அணிகள் களம் காணும் இந்தப் போட்டியின் புள்ளிகள் பட்டியலில், இந்தியா தற்போது 16 ஆட்டங்களில் கிடைத்த 10 புள்ளிகளுடன் கடைசி இடத்தில் இருக்கிறது. நெதா்லாந்து (42), ஆா்ஜென்டீனா (34), பெல்ஜியம் (32) ஆகியவை முறையே முதல் 3 இடங்களில் உள்ளன.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.