/

குடியரசு தினம்: கொல்கத்தாவில் வண்ணமயமான அணிவகுப்பு

ஞாயிறன்று 71வது குடியரசு தினம் கோலாகலமாக கொண்டாடப்பட்டது. இதையொட்டி

News image
Updated On :26 ஜனவரி 2020, 10:25 am

இந்தியாவின் 71 வது குடியரசு தின கொண்டாட்டத்தில் மேற்கு வங்க ஆளுநர் ஜகதீப் தங்கர் தேசியக்கொடியை ஏற்றினார்.

"ஜன கண மன" என்று அதிர்வலையுடன் தேசிய கீதம் அந்த இடம் முழுவதும் எதிரொலிக்க வண்ணமயமான ராணுவ அணிவகுப்பு நடந்தது.

முதல்வர் மம்தா பானர்ஜி, மற்றும் மந்திரிகள், சபாநாயகர் பிமான் பந்தோபாத்யாய், மூத்த அதிகாரிகள், காவல்துறை அதிகாரிகள் மற்றும் ராணுவப் படைகளின் உறுப்பினர்கள் முன்னிலையில் அதிநவீன ஆயுதங்கள் மற்றும் தளவாட உபகரணங்களை காட்சிப்படுத்தும் வழக்கமான அணிவகுப்பில் ராணுவம், கடற்படை மற்றும் விமானப்படை பிரிவுகள் பங்கேற்றன. .

அணிவகுப்பில் கொல்கத்தா மற்றும் மேற்கு வங்க காவல்துறை, எல்லை பாதுகாப்புப் படை, மத்திய தொழில்துறை பாதுகாப்புப் படை, போக்குவரத்து சார்ஜென்ட்கள் மற்றும் என்.சி.சி கேடட்கள் என பல குழுக்கள் பங்கேற்றன.

கோர்கா துப்பாக்கிகள், கிழக்கு ரயில்வே சிவில் பாதுகாப்பு மற்றும் தன்னார்வ அசில் பாதுகாப்பு அமைப்புகளான தேசிய சேவை திட்டம் மற்றும் ஆசாத் பயிற்சி அகாடமி ஆகிய அணிகளும், சகாவத் நினைவு அரசு பெண்கள் உயர்நிலைப்பள்ளியின் குழந்தைகளும் பாணியில் அணிவகுத்துச் சென்றன.

மாநில தகவல் மற்றும் கலாச்சார விவகாரத் துறை "நீரை காப்பாற்றுங்கள்" என்ற வாசகத்துடன், நாட்டுப்புற கலைஞர்களின் பாடல் மற்றும் நடன விளக்கக்காட்சிகளுடன் அணிவகுத்தன. வங்காள மலைகள், மேற்கில் ஜங்கல்மஹால் பகுதிகள் மற்றும் தெற்கில் சுந்தர்பன்ஸ் ஆகியவறைக் காட்சிப்படுத்தி நிகழ்ச்சியை நிறைவு செய்தன.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.