விசாகப்பட்டினத்தில் பேருந்து விபத்து: ஒருவர் பலி, 4 பேர் காயம்

விசாகப்பட்டினத்தில் அக்காயபாலாம் ரிது பஜார் பகுதியில் இன்று காலை பேருந்து விபத்துக்குள்ளானது. இந்த விபத்தில் ஒருவர் உயிரிழந்துள்ளார்.

ரிது பஜார் பகுதியில் இன்று காலை பேருந்தின் பிரேக் திடீரென அறுந்ததால் நிலைதடுமாறி சாலையில் உள்ள 5 பேர் மீது மோதியது. இந்த விபத்தில் ஒருவர் சம்பவ இடத்திலேயே பரிதாபமாக உயிரிழந்தார்.

மேலும் 4 பேர் படுகாயம் அடைந்துள்ளனர். காயமடைந்தோர்கள் உடனடியாக அருகில் உள்ள அரசு மருத்துவமனைக்கு அனுப்பி வைத்தனர். ஆதித்தியா டிராவல்ஸ்க்கு சொந்தமான தனியார் பேருந்தில் தீடிரென பிரேக் வைர் அறுந்ததால் இந்த விபத்து ஏற்பட்டுள்ளதாக தகவல்கள் வெளியாகியுள்ளது.