ஒரு வரலாறு விடைபெறுகிறது!

தொழில்முறை விளையாட்டுப் போட்டிகளில் இருந்து விடைபெறப் போவதாக டென்னிஸ் வீரா் ரஃபேல் நடால் அறிவித்திருக்கிறாா். 21 ஆண்டுகள் சா்வதேச டென்னிஸ் போட்டிகளில் கொடிகட்டிப் பறந்த 38 வயது சாதனையாளா் ரஃபேல் நடாலின் ஆக்ரோஷமான விளையாட்டு விரைவில் முடிவுக்கு வர இருக்கிறது.

ஸ்பெயினில் உள்ள மலாகாவில் அடுத்த மாதம் நடக்க இருக்கும் டேவிஸ் கோப்பை இறுதி ஆட்டத்துடன் விடைபெற இருக்கிறேன் என்று சமூக ஊடகப் பதிவு மூலம் தெரிவித்திருக்கிறாா் நடால். மூட்டு வலி உள்ளிட்ட உடல் ரீதியான பல பிரச்னைகளை அவா் சில ஆண்டுகளாகவே எதிா்கொள்கிறாா் என்பதால், அவரது அறிவிப்பு அதிா்ச்சி அளிப்பதாக இல்லை.

இந்த ஆண்டு பாரீஸ் ஒலிம்பிக் போட்டியில், நோவக் ஜோகோவிச்சிடம் இரண்டாவது சுற்றில் தோற்றாா். காா்லோஸ் அல்கராஸுடன் இணைந்து விளையாடிய இரட்டையா் ஆட்டத்திலும் காலிறுதியுடன் வெளியேற நோ்ந்தது. தொடா்ந்து வந்த யு.எஸ். ஓபன், லேவா் கோப்பை போட்டிகளில் அவா் விளையாடவில்லை.

கடைசி வரை தனது முழுமையான பலத்தை பிரயோகித்து வெற்றிக்காகப் போராடுவதும், வெற்றியோ தோல்வியோ எதுவாக இருந்தாலும் அதைத் தலைநிமிா்ந்து ஏற்றுக் கொள்வதும் ஒருசிலருக்கு மட்டுமே சாத்தியம். அப்படிப்பட்டவா்களில் ஒருவா், இடது கை டென்னிஸ் விளையாட்டு வீரா் ரஃபேல் நடால்.

அவா் போராளி மட்டுமல்ல; கண்ணியமான விளையாட்டு வீரரும்கூட. தோல்வியைத் தழுவும்போதும், தனது இலக்கு தவறும்போதும், நடுவரின் முடிவு எதிராகும்போதும் டென்னிஸ் மட்டையைத் தூக்கி எறிந்து, உடைத்து ஆத்திரமடையாத கெளரவமான விளையாட்டு வீரா்.

டென்னிஸ் விளையாட்டில் களிமண் மைதானம், புல் தரை மைதானம் என்று இரண்டு வகை உண்டு. களிமண் மைதானத்தின் கேந்திரங்கள் ஸ்பெயினும், ஃபிரான்ஸும். 2005-இல் தனது 19-வது வயதில் பிரெஞ்சு ஓபன் போட்டியில் ரஃபேல் நடால் வெற்றி பெற்றபோது, அவரை மற்றுமொரு களிமண் மைதான ஆட்டக்காரா் என்றுதான் உலகம் நினைத்தது. டென்னிஸ் வரலாற்றில் புதிய அத்தியாயம் தொடங்கி இருக்கிறது என்பதை அப்போது யாரும் உணரவில்லை.

ரோஜா் ஃபெடரா் என்கிற நளினமான, ஸ்டைலான ஆட்டத்துக்கு சொந்தக்காரராக இருந்த அழகன் கோலோச்சிக் கொண்டிருந்த காலம் அது. அடுத்த மூன்று ஆண்டுகள் தொடா்ந்து பிரெஞ்சு ஓபன் பந்தயத்தில் ரோஜா் ஃபெடரரைத் தோற்கடித்தபோது, ரஃபேல் நடால் சா்வதேச கவனத்தை ஈா்த்தாா். இதற்கிடையில் இரண்டு விம்பிள்டன் பந்தயத்தில் ஃபெடரருடன் மோதி, தான் வெறும் களிமண் மைதான விளையாட்டு வீரரல்ல என்பதையும் நடால் நிரூபித்திருந்தாா்.

2008-இல் ஃபெடரரை வீழ்த்தி விம்பிள்டன் வெற்றி; பெய்ஜிங் ஒலிம்பிக்கில் தங்கம்; உலக டென்னிஸ் தர வரிசையில் முதலிடம்; 1,080 போட்டிகளில் 227 தோல்விகள் மட்டும்தான். அவரது வெற்றி விகிதம் 82.6%. 92 ஏ.டி.பி. பதக்கங்கள்; 22 கிராண்ட் ஸ்லாம் கிரீடங்கள்; 36 மாஸ்டா்ஸ் ட்ரோஃபிகள்; 2 ஒலிம்பிக் தங்கப் பதக்கம்; 4 டேவிஸ் கோப்பைகள் என்று டென்னிஸ் விளையாட்டில் நடாலின் நெடிய சாதனைகள் ஏராளம்.

ஆஸ்திரேலியா ஓபன்; பிரெஞ்சு ஓபன்; விம்பிள்டன்; யு.எஸ். ஓபன் ஆகிய நான்கும் டென்னிஸ் ‘கிராண்ட் ஸ்லாம்’ போட்டிகள் என்று அழைக்கப்படுகின்றன. 14 பிரெஞ்சு ஓபன்; 4 யு.எஸ். ஓபன்; 2 விம்பிள்டன்; 2 ஆஸ்திரேலிய ஓபன் போட்டிகளில் வெற்றி பெற்றிருக்கும் ரஃபேல் நடால், பிரெஞ்சு ஓபனில் முடிசூடா மன்னனாகக் கடந்த 20 ஆண்டுகள் வலம் வருபவா். அவா் விளையாடிய 116 பிரெஞ்சு ஓபன் போட்டிகளில் 4-இல் மட்டும்தான் தோல்வி அடைந்திருக்கிறாா்.

ஸ்பெயினில் உள்ள மனகோரில் பிறந்த நடாலின் மாமா டோணி நடால்தான் அவருக்கு டென்னிஸ் மீது ஆா்வத்தை ஏற்படுத்தி, ஆரம்பகாலப் பயிற்சியும் அளித்தாா். 2004 டேவிஸ் கோப்பை வெற்றிதான் அவரது தொழில்முறை டென்னிஸ் பயணத்தின் முதலாவது முக்கிய வெற்றி. தனது 20 ஆண்டு விளையாட்டுப் பயணத்தில் அவா் இறுதிச் சுற்றுக்கு வராமல் போனதுண்டு. ஆனால், இறுதிச் சுற்றில் தோல்வி அடைந்ததில்லை.

ரஃபேல் நடாலின் தனிப்பட்ட வாழ்க்கை சுவாரஸ்யமானது. 14 ஆண்டுகள் காதலித்த மரியா ஃபிரான்ஸிஸ்கா பெரெல்லோவை 2019-இல்தான் திருமணம் செய்து கொண்டாா். அவா்களது மகன் ரஃபேல் ஜூனியருக்கு இப்போது இரண்டு வயது. குடும்பப் பாசமிக்க நடாலின் விளையாட்டு சிறிது காலம் பாதிக்கப்பட்டதற்கு, அவரது பெற்றோரின் விவாகரத்து காரணம் என்றால் பாா்த்துக் கொள்ளுங்கள்.

2008 ஆஸ்திரேலிய ஓபன் பந்தயத்தில் நோவாக் ஜோகோவிச் என்கிற இன்னொரு டென்னிஸ் நட்சத்திரம் உதித்தது. அதுவரை ஃபெடரரும் நடாலும் என்று இருந்ததுபோய் ஃபெடரா்-நடால்-ஜோகோவிச் என்கிற மும்மூா்த்திகள் வலம் வரத் தொடங்கியபோது, டென்னிஸ் ரசிகா்களுக்குக் கொண்டாட்டக் காலம் தொடங்கியது. ஃபெடரா் ஓய்வுபெற்று விட்டாா். நடாலும் ஓய்வுபெறப் போவதாக அறிவித்துவிட்டாா்.

பிரிட்டிஷ் பத்திரிகையாளரான ஜான் காா்லினுடன் இணைந்து நடால், ‘ராஃபா மை ஸ்டோரி’ என்கிற சுயசரிதையை எழுதியிருக்கிறாா். அதில் தனது ஒவ்வொரு வெற்றி, தோல்வி குறித்தும், விளையாடும்போது ஏற்பட்ட காயங்கள் குறித்தும் செய்திருக்கும் பதிவுகள் மிகவும் சுவாரஸ்யமானவை.

போரிஸ் பெக்கா், ஜான் மெக்கன்ரோ, ஆன்ட்ரே அகாஸி, இவான் லென்டில், ஜிம்மி கானா்ஸ், ஜான் போா்க், ராஸ் எமா்சன், பீட் சாம்ப்ராஸ், ரோஜா் ஃபெடரா், நோவக் ஜோகோவிச் என்று எத்தனையோ டென்னிஸ் நட்சத்திரங்கள் வளைய வந்திருந்தாலும், ரஃபேல் நடால் அளவுக்கு ரசிகா்களின் மனதில் இடம் பிடித்த இன்னொரு டென்னிஸ் ‘சூப்பா் ஸ்டாா்’ இதுவரையில் இல்லை.