தியாகப் பெருஞ்சீலர்! நல்லகண்ணுவுக்கு முதல்வர் ஸ்டாலின் புகழஞ்சலி! நல்லகண்ணு உடல் தானம்! கம்யூனிஸ்ட் தலைவர் நல்லகண்ணு காலமானார்!கூட்டணிக்கு தவெக தயார்! காங்கிரஸ் மேலிடப் பொறுப்பாளர்வகைவகையாக வடை சுடும் இபிஎஸ்: முதல்வர் ஸ்டாலின்காஸா இனப் படுகொலையை பிரதமர் மோடி பேச வேண்டும்: காங்கிரஸ்சூரிய சக்தி மின்தகடு இறக்குமதி! இந்தியா மீது அமெரிக்கா 126% வரி?இந்தியா கூட்டணியை உருவாக்கிய முதல்வர் ஸ்டாலினுக்கு பாராட்டு: காங்கிரஸ்மேலும் 2 தகவல் ஆணையா்கள் நியமனம்இன்று தென், வட தமிழகத்தின் ஒருசில இடங்களில் மழைக்கு வாய்ப்புஜேஇஇ 2-ஆம் கட்ட முதன்மைத் தோ்வு: விண்ணப்பிக்க இன்று கடைசிஇந்திய தலைமைத் தோ்தல் ஆணையா் நாளை தமிழகம் வருகை
/

வைரலில் மிரட்டும் அனிருத்தின் பின்னணி இசைகள்!

அனிருத் பின்னணி இசைகள் குறித்து....

News image
Updated On :25 பிப்ரவரி 2026, 8:27 am

இணையதளச் செய்திப் பிரிவு

இசையமைப்பாளர் அனிருத்தின் பின்னணி இசைகள் சமூக வலைதளங்களில் தொடர்ந்து வைரலாகி வருகின்றன.

இசையமைப்பாளர் அனிருத் 15 ஆண்டுகளாகத் திரைத்துறையில் இசைப்பணிகளை மேற்கொண்டு வருகிறார். பாடகராக, இசையமைப்பாளராக, ஒருங்கிணைப்பாளராக என இந்தியளவில் செல்வாக்குடன் இருக்கும் பிரபலங்களில் ஒருவராகவும் உள்ளவர்.

மேலும், கடந்த சில ஆண்டுகளாக உலகம் முழுவதும் இசைக்கச்சேரிகளையும் நடத்தி வருகிறார்.

இத்தனையாண்டு கால தன் இசைப் பயணத்தில் சினிமாவில் நூற்றுக்கணக்கான ஹிட் பாடல்களைக் கொடுத்திருந்தாலும், பின்னணி இசையென வந்துவிட்டால் அனிருத்தான் என்கிற சிறப்பையும் வைத்திருக்கிறார்.

ஆனால், இடையே சில ஆண்டுகள் அனிருத்தின் இசையில் பெரிதாக பின்னணி இசைகள் கவனிக்கப்படமால் இருந்தன. அதனை ஊகித்துக்கொண்டவர், தற்போது பின்னணி இசைகளில் அதிகம் கவனம் செலுத்தி வருகிறார்.

Story image

முக்கியமாக, லியோ திரைப்படத்திற்குப் பின் ஜெயிலர், விடாமுயற்சி, கூலி ஆகிய படங்களின் பாடல்களும் பின்னணி இசையையும் பெரிதாகக் கவனம் பெற்றதுடன் இன்ஸ்டாகிராமில் அதிகம் ரீல்ஸ் செய்யப்பட்ட இசைகள் என்கிற சாதனையையும் படைத்தன.

இந்த நிலையில், ரஜினியின் 173-வது திரைப்படம், ரஜினி - கமல் திரைப்படம், அல்லு அர்ஜுன் - லோகேஷ் கனகராஜ் திரைப்படம், நானியின் பாரடைஸ் என இப்படங்களுக்கான அறிமுக புரமோ இசையை உருவாக்கி அதிலும் அட்டகாசமான வரவேற்பை அனிருத் பெற்றுள்ளார்.

முக்கியமாக, ரஜினி - 173 மற்றும் அல்லு அர்ஜுன் திரைப்படங்களுக்கான பின்னணி இசை துணுக்குள் சமூக வலைதளங்களை ஆக்கிரமிக்கும் அளவிற்கு ரீல்ஸ்களில் இடம்பெற்று வருகின்றன. மேலும், நேற்று (பிப். 24) வெளியான பாரடைஸ் திரைப்படத்தின் முதல் பாடலான ஆயாசேர் (aayasher) பாடலும் அபாரமான வரவேற்பைப் பெற்றுள்ளது.

இதுபோக, ஜெயிலர் - 2, ஷாருக்கானின் கிங் ஆகிய திரைப்படங்களுக்கு எப்படியான பின்னணி இசையைக் கொடுப்பார் என ரசிகர்களுக்கு ஆவலும் எழுந்துள்ளது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.