கண்ணான கண்ணே மாதிரி ஒரு பாடலைக் கேட்டதுக்கு இந்தப் பாடல் கிடைத்தது: இயக்குநர் பாண்டிராஜ்

கண்ணான கண்ணே மாதிரி ஒரு பாடல் வேணும் சார்னு கேட்டதுக்கு... ட்யூன் போடும்போதே அழுதுகிட்டே கேட்ட பாடல்...

Updated On :11 செப்டம்பர் 2019, 9:10 am

கடைக்குட்டி சிங்கம் படத்துக்குப் பிறகு இயக்குநர் பாண்டிராஜ் இயக்கி வரும் நம்ம வீட்டுப் பிள்ளை படத்தில் கதாநாயகனாக நடித்து வருகிறார் சிவகார்த்திகேயன். இப்படத்தை சன் பிக்சர்ஸ் தயாரிக்கிறது. இந்தப் படத்தின் கதாநாயகியாக அனு இம்மானுவேல் நடிக்கிறார். தெலுங்கு மற்றும் மலையாளப் படங்களில் நடித்துள்ள அனு இம்மானுவேல், தமிழில் இதற்கு முன்பு, துப்பறிவாளன் படத்தில் நடித்திருந்தார். ஐஸ்வர்யா ராஜேஷ், சூரி, யோகி பாபு, பாரதிராஜா, சமுத்திரக்கனி, நடராஜன், ஆர்கே சுரேஷ் என ஒரு பெரிய நடிகர் பட்டாளமே இப்படத்தில் நடிக்கிறது. ஒளிப்பதிவு - நிரவ் ஷா, படத்தொகுப்பு - ஆண்டனி ரூபன். இசை - இமான். படப்பிடிப்பு மே 8 அன்று தொடங்கியது. செப்டம்பர் 27 அன்று வெளியாகவுள்ளது.

இந்தப் படத்தில் இடம்பெற்றுள்ள உன் கூடவே பொறக்கணும் பாடலின் லிரிக் விடியோ இன்று வெளியாகியுள்ளது. இந்தப் பாடல் குறித்து இயக்குநர் பாண்டிராஜ் ட்வீட் செய்ததாவது: கண்ணான கண்ணே மாதிரி ஒரு பாடல் வேணும் சார்னு கேட்டதுக்கு... ட்யூன் போடும்போதே அழுதுகிட்டே கேட்ட பாடல். எனக்குப் பிடித்தமான பாடல். நன்றி இமான் என்று கூறியுள்ளார்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது