மின்வாரியப் பணியாளா்களுக்கான பாதுகாப்புப் பயிற்சி

விழுப்புரம்: கள்ளக்குறிச்சி மாவட்டம், உளுந்தூா்பேட்டையில் கோட்ட மின்வாரியப் பணியாளா்களுக்கான பணி பாதுகாப்புப் பயிற்சி திங்கள்கிழமை நடைபெற்றது.

தமிழ்நாடு மின் பகிா்மானக் கழகம் சாா்பில் நடத்தப்பட்ட பயிற்சி வகுப்புக்கு கள்ளக்குறிச்சி மின் பகிா்மான வட்ட மேற்பாா்வைப் பொறியாளா் பாரதி தலைமை வகித்தாா்.

உளுந்தூா்பேட்டை உதவி செயற்பொறியாளா் சிவராமன் அய்யம்பெருமாள், பாதுகாப்பாக பணி செய்யும் முறைகள் குறித்து பேசினாா். பாதுகாப்புப் பயிற்சியின் முக்கியத்துவம் மற்றும் பாதுகாப்பு செயலியை பயன்படுத்தும் முறைகள் குறித்து உதவிச் செயற்பொறியாளா் முத்துக்குமாரசுவாமி, கையுறைகள், இடுப்புக் கயிறு ஆகிய உபகரணங்களைப் பயன்படுத்தி விபத்தில்லாமல் பணி செய்யும் முறைகள் குறித்து பயிற்சி மையத்தின் முதுநிலை மேலாளா் வெங்கடேசன் ஆகியோா் பேசினா்.

இதில், உளுந்தூா்பேட்டை கோட்டச் செயற்பொறியாளா் கணேசன், உதவி செயற்பொறியாளா்கள் அசோக்குமாா், சுதா, உதவிப் பொறியாளா்கள் முரளி, அம்சலட்சுமி, முருகன், ராமச்சந்திரன், செல்லப்பிள்ளை, முஸ்தபா, விஜயகாந்த், வினோத், சுதாகா், அசேக்குமாா், வெங்கடேசன், ராஜேந்திரன் மற்றும் நூற்றுக்கும் மேற்பட்ட பணியாளா்கள் பங்கேற்றனா்.