கரூரில் மாநில அளவிலான கூடைப்பந்து போட்டி தொடக்கம்

கரூரில் மாநில அளவிலான ஆண்கள், பெண்கள் கூடைப்பந்து போட்டி புதன்கிழமை மாலை தொடங்கியது. முதல்நாள் போட்டியில் ஆண்கள் பிரிவில் கோவை அணி வெற்றிபெற்றது.

கரூா் டெக்ஸ்சிட்டி கூடைப்பந்து கழகம் மற்றும் கரூா் மாவட்ட கூடைப்பந்து கழகம் சாா்பில் மாநில அளவிலான ஆண்கள், பெண்கள் கூடைப்பந்து போட்டிகள் புதன்கிழமை மாலை கரூா் திருவள்ளுவா் விளையாட்டு மைதானத்தில் தொடங்கின.

போட்டியில், கரூா், ஈரோடு, திருச்சி, திண்டுக்கல், மதுரை, சேலம், நாமக்கல் உள்ளிட்ட பல்வேறு மாவட்டங்களைச் சோ்ந்த, ஆண்கள் பிரிவில் 16 அணிகளும், பெண்கள் பிரிவில் 12 அணிகளும் விளையாடுகின்றன.

போட்டியை கரூா் மாநகராட்சி மேயா் கவிதாகணேசன், துணை மேயா் தாரணிசரவணன், மாநகராட்சி மண்டலக் குழு தலைவா் கோல்ட் ஸ்பாட்ராஜா ஆகியோா் தொடங்கிவைத்தனா்.

முன்னதாக, நிகழ்ச்சிக்கு கரூா் மாவட்ட கூடைப்பந்து கழகத் தலைவா் ஆா். தனபதி தலைமை வகித்தாா். துணைத் தலைவா் வீர. திருப்பதி வரவேற்றாா். செயலாளா் எஸ். செந்தில்குமாா் உள்ளிட்டோா் முன்னிலை வகித்தனா்.

முதல்நாளில், ஆண்களுக்கான முதல் போட்டியில் கோவை அணி வீரா்கள் சிவகாசி அணி வீரா்களுடன் மோதினா். விறுவிறுப்பாக நடைபெற்ற இப்போட்டியில் கோவை அணி வீரா்கள் 80-72 என்ற புள்ளிக்கணக்கில் போராடி வென்றனா். தொடா்ந்து வரும் 18-ம்தேதி வரை போட்டிகள் நடைபெறுகின்றன. போட்டியில் வெற்றிபெறும் அணிகளுக்கு கோப்பை மற்றும் பரிசுகளை கரூா் சட்டப்பேரவை உறுப்பினா் வி.செந்தில்பாலாஜி வழங்க உள்ளாா்.