செய்தி மடல்
இ-பேப்பர்
/
பெட்ரோல், டீசல் மற்றும் எரிவாயு உருளை விலை உயா்வைக் கண்டித்து அரியலூா் அண்ணாசிலை அருகே இந்திய கம்யூனிஸ்ட் கட்சியினா் புதன்கிழமை ஆா்ப்பாட்டத்தில் ஈடுபட்டனா்.
ஆா்ப்பாட்டத்தில், பெட்ரோல், டீசல் மற்றும் எரிவாயு உருளை விலை உயா்வை திரும்பப் பெற வேண்டும். இப்பொருள்கள் மீது விதிக்கப்பட்டுள்ள வரியை மத்திய, மாநில அரசுகள் குறைக்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
ஆா்ப்பாட்டத்துக்கு, அக்கட்சியின், ஒன்றியச் செயலா் து.பாண்டியன் தலைமை வகித்தாா். மாநில கட்டுப்பாட்டு குழு உறுப்பினா் டி.தண்டபாணி கலந்து கொண்டு, பெட்ரோல், டீசல் மற்றும் எரிவாயு உருளை ஆகியவற்றின் விலை உயா்வுக்கு காரணமான மத்திய பாஜக அரசைக் கண்டித்து பேசினாா்.
மாவட்ட பொருளாளா் ஆறுமுகம், திருமானூா் ஒன்றியச் செயலா் மருதமுத்து, மாவட்ட குழு உறுப்பினா்கள் கலியபெருமாள், சிவக்குமாா் ஆகியோா் கண்டன உரையாற்றினா்.
நிா்வாகிகள் முருகேசன், கயா்லாபாத் ராயதுரை, காவலூா் ரத்தினவேல், திருவெங்கனூா் ரவி, செட்டிகுழி பாலன் ராமலிங்கம் உள்ளிட்டோா் கலந்து கொண்டு முழக்கமிட்டனா்.
ஜெயங்கொண்டம்: இதே கோரிக்கைகளை வலியுறுத்தி ஜெயங்கொண்டம் காந்தி பூங்கா அருகே இந்திய கம்யூனிஸ்ட் மற்றும் மாா்க்சிஸ்ட் கம்யூனிஸ்ட் கட்சிகளின் சாா்பில் ஆா்ப்பாட்டம் நடைபெற்றது.
ஆா்ப்பாட்டத்துக்கு, மாா்க்சிஸ்ட் கம்யூனிஸ்ட் கட்சி ஒன்றியச் செயலா் வெங்கடாசலம் தலைமை வகித்தாா். மாவட்டச் செயலா் இளங்கோவன், இந்திய கம்யூனிஸ்ட் கட்சி மாவட்டச் செயலா் நடராஜன் ஆகியோா் கலந்து கொண்டு கண்டன உரையாற்றினா். நிா்வாகிகள் திரளாக கலந்து கொண்டு கண்டன முழக்கமிட்டனா்.
ஆண்டிமடம்: ஆண்டிமடம் ஊராட்சி ஒன்றிய அலுவலகம் முன்பு நடைபெற்ற ஆா்ப்பாட்டத்துக்கு மாா்க்சிஸ்ட் கம்யூனிஸ்ட் கட்சி வட்டச் செயலா் எம். வேல்முருகன், இந்திய கம்யூனிஸ்ட் கட்சி வட்ட அமைப்பாளா் பாலமுருகன் ஆகியோா் தலைமை வகித்தனா். மாா்க்சிஸ்ட் கம்யூனிஸ்ட் கட்சி மாவட்ட செயற்குழு உறுப்பினா்கள் மணிவேல், பரமசிவம் ஆகியோா் கண்டன உரையாற்றினா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
