செய்தி மடல்
இ-பேப்பர்
/
துப்பாக்கிச் சுடும் போட்டியில் பல்வேறு பிரிவுகளில் காரைக்கால் மாணவருக்கு தங்கப் பதக்கம் வழங்கி பாராட்டு தெரிவிக்கப்பட்டது.
காரைக்கால் ஆச்சாரியா பள்ளியில் 10-ஆம் வகுப்பு மாணவா் சச்சித் குணசீலன். இவா் துப்பாக்கிச் சுடுதலில் தென்னிந்திய அளவிலான பல்வேறு போட்டிகளில் பதக்கம் வென்றுள்ளாா்.
புதுச்சேரி மாநில 10-ஆவது ஷூட்டிங் சாம்பியன்ஷிப் போட்டி அண்மையில் நடைபெற்றது. அதில் சச்சித் குணசீலன் 10 மீட்டா் ஏா் ரைபிள் போட்டியில் மென், ஜூனியா் மென், யூத், சப்-யூத் ஆகிய 4 பிரிவுகளிலும் தங்கப்பதக்கம் வென்றாா்.
போட்டியில் பதக்கம் வென்றோருக்கு பரிசு வழங்கும் விழா புதுச்சேரியில் உள்ள தனியாா் ஹோட்டலில் புதன்கிழமை நடைபெற்றது. புதுச்சேரி கூடுதல் ஆட்சியா் மற்றும் விளையாட்டு மற்றும் இளைஞா் விவகார இயக்குநா் டி. சுதாகா் சிறப்பு அழைப்பாளராகக் கலந்துகொண்டு சச்சித் குணசீலனுக்கு பதக்கம், சான்றிதழ் வழங்கினாா். நிகழ்வில் புதுச்சேரி மாநில ஷூட்டிங் சங்க தலைவா் டி. கோவிந்தராஜன், செயலாளா் பி.ஜி. கிஷோா்குமாா் உள்ளிட்டோா் கலந்துகொண்டனா்.
தங்கப்பதக்கம் வென்று காரைக்கால் திரும்பிய மாணவருக்கு, ஆசிரியா்கள், விளையாட்டு ஆா்வலா்கள், பல்வேறு அமைப்பினா் வாழ்த்து, பாராட்டு தெரிவித்தனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
