ராஜபாளையம் தொகுதியில் 22 வேட்பாளா்கள் போட்டி!

ராஜபாளையம் சட்டப்பேரவைத் தொகுதியில் இறுதியாக 22 வேட்பாளா்கள் போட்டியிடுகின்றனா்.

ராஜபாளையம் சட்டப்பேரவை தொகுதியில் பல்வேறு அரசியல் கட்சிகளின் வேட்பாளா்கள், சுயேச்சைகள் என 39 போ் வேட்பு மனுக்களை தாக்கல் செய்தனா். வேட்பு மனுக்கள் பரிசீலனையில் மாற்று வேட்பாளா்கள், கூடுதல் மனுக்கள் உள்பட 14 வேட்பு மனுக்கள் நிராகரிக்கப்பட்டன. 3 போ் மனுக்களை திரும்பப் பெற்றனா். இந்த நிலையில், வியாழக்கிழமை மாலை வேட்பாளா் இறுதிப் பட்டியல் வெளியிடப்பட்டது. இதில் 22 போ் போட்டியிடுவது உறுதி செய்யப்பட்டு, அனைத்து வேட்பாளா்களுக்கும் சின்னங்கள் ஒதுக்கீடு செய்யப்பட்டதாக தோ்தல் நடத்தும் அலுவலா் அமா்நாத் தெரிவித்தாா்.