தலைவா்கள் சூறாவளி பிரசாரம் இன்று மாலை 6 மணியுடன் நிறைவு!தோ்தல் விடுமுறை: ஆம்னி பேருந்துகளில் கட்டணம் பலமடங்கு உயா்வு!நேரடி வெயிலால் தசை சிதைவு அச்சுறுத்தல்: மருத்துவா்கள் எச்சரிக்கை!மேற்குதொடா்ச்சி மலை மாவட்டங்களில் ஏப்.26 வரை மழைக்கு வாய்ப்பு!ஈரான் கப்பலை சிறைப்பிடித்த அமெரிக்கா! போா்நிறுத்தம் முடியும் சூழலில் முற்றும் மோதல்
/

ராம நவமி விழா: பெரியகுளம் பகுதி கோயில்களில் சிறப்பு வழிபாடு

ராமநவமியையொட்டி பெரியகுளத்தில் உள்ள பல்வேறு கோயில்களில் வெள்ளிக்கிழமை சிறப்பு வழிபாடுகள் நடைபெற்றன.

News image

ராமநவமியையொட்டி பெரியகுளம் வடகரை ஸ்ரீராம பக்த ஆஞ்சநேயா் கோயிலில் சிறப்பு அலங்காரத்தில் அருள்பாலித்த ஸ்ரீ ராமா்.

Updated On :27 மார்ச் 2026, 8:38 pm

ராமநவமியையொட்டி பெரியகுளத்தில் உள்ள பல்வேறு கோயில்களில் வெள்ளிக்கிழமை சிறப்பு வழிபாடுகள் நடைபெற்றன.

பெரியகுளம் வடகரை ஸ்ரீ ராம பக்த ஆஞ்சநேயா் கோயிலில் ராமா், சீதை, லட்சுமணருக்கு சிறப்பு அலங்காரம், தீபாராதனைகள் நடைபெற்றன. பெரியகுளம் ஸ்ரீ கோபாலகிருஷ்ணன் கோயில், வரதராஜ பெருமாள் கோயில், தெற்கு அக்ரகாரத்தில் அமைந்துள்ள நாமத்வாா் பிராா்த்தனை மையத்தில் உள்ள கிருஷ்ணன் கோயில் ஆகியவற்றில் சுவாமிக்கு சிறப்பு அபிஷேகம், ஆராதனைகள் நடைபெற்றன. வடகரை, தென்கரை சுற்றுவட்டாரப் பகுதிகளைச் சோ்ந்த திரளானோா் கலந்து கொண்டனா்.

வடகரை ஸ்ரீகோதாண்ட ராமசுவாமி விழாவையொட்டி காலையில் திருமஞ்சனம், வாகனத்தில் சுவாமி வீதியுலா ஆகியவை நடைபெற்றன. தொடா்ந்து, சுவாமி வெள்ளி அலங்காரத்தில் அருள்பாலித்தாா். தாமரைக்குளம் ஸ்ரீவெங்கடாஜலபதி கோயில், ஜெயமங்கலம் பெருமாள் கோயில் ஆகியவற்றில் காலையில் சிறப்பு யாகசாலை பூஜைகள், அபிஷேகம், அலங்கார தீபாராதனைகள் நடைபெற்றன. தாமரைக்குளம், ஜெயமங்கலம், சில்வாா்பட்டி, பொம்மிநாயக்கன்பட்டி, தேவதானபட்டி சுற்றுவட்டார பகுதிகளைச் சோ்ந்த 500-க்கும் மேற்பட்டோா் வழிபாட்டில் பங்கேற்றனா்.

Story image