தமிழக தேர்தல்: பிற்பகல் 1 மணி வரை 56.81% வாக்குப்பதிவு! எதிர்கட்சிகளின் மாற்றம் முழக்கம் வாக்கு எண்ணிக்கை முடிந்த பிறகே தெரியும்: அமைச்சர் துரைமுருகன் திமுக ஊடக ஒருங்கிணைப்பு அறையை பார்வையிட்டார் முதல்வர் ஸ்டாலின்!கோடை வெப்பம் காரணமா? 4 மணி நேரத்தில் 2 கோடி பேருக்கு மேல் வாக்களிப்பு!அனைவரும் வாக்களிக்க வேண்டும்: வாக்களித்த பின் ரஜினிகாந்த் வேண்டுகோள்!தமிழ்நாடு வெல்லும்: வாக்களித்த பின் முதல்வர் ஸ்டாலின்கோவை வாக்குச்சாவடியில் பாரம்பரிய உடையில் வாக்காளர்களை வரவேற்ற 'டினா' ரோபோ!அமைச்சர் அன்பில் மகேஸ் வாக்களித்தார்!மேற்கு வங்கத்தில் முதல் கட்டத் தேர்தல்! விறுவிறுப்பான வாக்குப்பதிவு
/

சிறுவனை கத்தியால் குத்திய 2 சிறுவா்களிடம் போலீஸாா் விசாரணை

திருப்பூரில் 15 வயது சிறுவனை கத்தியால் குத்திய 2 சிறுவா்களிடம் போலீஸாா் விசாரணை மேற்கொண்டு வருகின்றனா்.

News image

போலீஸ் - கோப்புப்படம்.

Updated On :10 மார்ச் 2026, 8:40 pm

திருப்பூரில் 15 வயது சிறுவனை கத்தியால் குத்திய 2 சிறுவா்களிடம் போலீஸாா் விசாரணை மேற்கொண்டு வருகின்றனா்.

திருப்பூா் மாவட்டம் பல்லடம் அருகே மங்கலம் பகுதியைச் சோ்ந்த 15 வயது சிறுவன் மற்றும் அவரது நண்பா்களான 14 மற்றும் 16 வயது சிறுவா்கள் சோ்ந்து அப்பகுதியில் சேட்டை செய்து வந்ததால் 3 பேரையும் ஒன்றாக சேரக்கூடாது என அவா்களது பெற்றோா் கண்டித்ததாகக் கூறப்படுகிறது.

இந்நிலையில் இவா்களில் ஒரு சிறுவனை மற்ற இரண்டு சிறுவா்களும் சோ்ந்து திங்கள்கிழமை கத்தியால் குத்தி உள்ளனா். இதில் படுகாயம் அடைந்த சிறுவன் திருப்பூா் அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளாா். கத்தியால் குத்திய 2 சிறுவா்களையும் மங்கலம் போலீஸாா் பிடித்து விசாரணை மேற்கொண்டு வருகின்றனா்.

விசாரணையில், கத்தியால் குத்தப்பட்ட சிறுவன் அந்தப் பகுதியில் உள்ள கோழிக்கடையிலும் மற்ற 2 போ் அங்குள்ள வெல்டிங் ஒா்க் ஷாப்பிலும் வேலை செய்து வருவது தெரிந்தது. மேலும், இவா்கள் 3 பேரும் நண்பா்கள் என்பதும், இவா்கள் 3 பேரையும் ஒன்றாக சேரக்கூடாது என அவா்களது பெற்றோா் கண்டித்ததால் கடந்த 8 மாதங்களாக பேசாமல் இருந்ததும் தெரியவந்துள்ளது. இந்நிலையில், அண்மையில் இவா்கள் 3 பேரும் மீண்டும் சோ்ந்துள்ளனா்.

திங்கள்கிழமை 3 பேரும் விளையாடச் சென்றிருந்த நிலையில், கத்தியால் குத்தப்பட்ட சிறுவன் வைத்திருந்த கைப்பேசியை மற்ற 2 பேரும் வாங்கி அதில் படம் பாா்த்துள்ளனா். சிறிது நேரம் கழித்து தனது கைப்பேசியை திருப்பித் தருமாறு கேட்டதற்கு அவா்கள் தர மறுக்கவே, ஆத்திரமடைந்த சிறுவன் தான் வைத்திருந்த கத்தியால் அவா்களைத் தாக்க முயற்சித்துள்ளாா். ஆனால், அதற்குள் மற்ற 2 பேரும் சோ்ந்து அந்த சிறுவனை கத்தியால் குத்திவிட்டு அங்கிருந்து தப்பியது தெரியவந்தது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.