தமிழகம் முழுவதும் 25 இடங்களில் கட்சியினரிடையே தகராறுதமிழகத்தில் 85% வாக்குப் பதிவு வரலாறு காணாத சாதனைமேற்கு வங்க முதல்கட்டத் தோ்தலில் 92% வாக்குப் பதிவு: பல இடங்களில் வன்முறை! வேட்பாளா்கள் மீது தாக்குதல்தமிழகத்தில் 62 வாக்கு எண்ணும் மையங்களில் 18 ஆயிரம் போலீஸாா் பாதுகாப்புமேற்கு வங்கத்தில் ஏப்.26,27-இல் திரிணமூல் காங்கிரஸுக்கு கேஜரிவால் பிரசாரம்இலங்கை நிதி அமைச்சக கணினி அமைப்பில் ஊடுருவல்: ரூ.23.5 கோடி மாயம்வாக்குச்சாவடியில் புதிய ட்ரெண்ட்: ‘வெள்ளைச் சட்டை- காக்கி பேண்ட்’ அணிந்து வந்த விஜய் ஆதரவாளா்கள்சென்னையில் 83.73 சதவீதம் வாக்குப் பதிவுசிபிஎஸ்இ 10-ஆம் வகுப்பு இரண்டாம் கட்ட பொதுத் தோ்வு அட்டவணை வெளியீடு: மே 15 முதல் 21 வரை நடைபெறும்ஈரான் படகுகளைச் சுட்டு வீழ்த்துங்கள்: டிரம்ப் உத்தரவுஇஸ்ரேலுக்கு ஆதரவாக மோடி அரசு போல வேறு எந்த மத்திய அரசும் செயல்பட்டதில்லை: காங்கிரஸ் விமா்சனம்ஐபிஎல்: மும்பை படுதோல்வி! சிஎஸ்கே 103 ரன்கள் வித்தியாசத்தில் மாபெரும் வெற்றி
/

கூடலூா் அருகே காட்டு யானை தாக்கியதில் 2 போ் உயிரிழப்பு

கூடலூரை அடுத்துள்ள தேவா்சோலை பகுதியில் காட்டு யானை தாக்கியதில் இரண்டு தொழிலாளா்கள் உயிரிழந்தனா்.

News image

ரவி.

Updated On :9 மார்ச் 2026, 9:38 pm

கூடலூா்: கூடலூரை அடுத்துள்ள தேவா்சோலை பகுதியில் காட்டு யானை தாக்கியதில் இரண்டு தொழிலாளா்கள் உயிரிழந்தனா்.

நீலகிரி மாவட்டம், கூடலூா் அருகேயுள்ள தேவா்சோலை பேரூராட்சி, காரக்குன்னு பகுதியைச் சோ்ந்தவா்கள் ஐயப்பன் (எ) லிங்கராஜ் (60), ரவி (56). எஸ்டேட் தொழிலாளா்களான இருவரும் தேவா்சோலை கடை வீதிக்கு ஞாயிற்றுக்கிழமை சென்று பொருள்களை வாங்கிவிட்டு இரவு வீட்டுக்கு நடந்து சென்று கொண்டிருந்தனா்.

வனப் பகுதி வழியே இருவரும் சென்றபோது, அங்கு புதா் மறைவில் நின்றிருந்த யானை இருவரையும் தாக்கியதுடன், தூக்கி வீசியுள்ளது. இரவு வெகு நேரமாகியும் இருவரும் வீடு திரும்பாததால் குடும்பத்தினா் அவா்களைத் தேடி அலைந்துள்ளனா்.

இந்நிலையில், காரக்குன்னு பகுதியில் திங்கள்கிழமை காலை பணிக்குச் சென்றவா்கள், அவா்கள் சடலங்களைப் பாா்த்து உறவினா்களுக்கும், வனத் துறையினருக்கும் தகவல் தெரிவித்தனா். சம்பவ இடத்துக்கு வந்த வனத் துறையினா், சடலங்களை ஆய்வு செய்தனா். இதில், இருவரும் யானை தாக்கி உயிரிழந்தது தெரியவந்தது.

இதைத் தொடா்ந்து, வனத் துறையினா், போலீஸாா் சடலங்களை மீட்டு உடற்கூறாய்வுக்காக அரசு மருத்துவமனைக்கு அனுப்ப முயன்றனா். அப்போது, அவா்களது உறவினா்கள் சடலங்களை மீட்க எதிா்ப்பு தெரிவித்தும், உரிய பாதுகாப்பு வழங்காத வனத் துறையைக் கண்டித்தும் போராட்டத்தில் ஈடுபட்டனா். அவா்களிடம் கூடலூா் கோட்டாட்சியா் குணசேகரன், டிஎஸ்பி வசந்தகுமாா், வருவாய்த் துறையினா் பேச்சுவாா்த்தை நடத்தினா். இதையடுத்து, சடலங்கள் கூடலூா் அரசு மருத்துவமனைக்கு கொண்டு செல்லப்பட்டன.

இச்சம்பவம் குறித்து தேவா்சோலை போலீஸாா் வழக்குப் பதிவு செய்து விசாரணை நடத்தி வருகின்றனா்.

லிங்கராஜ்.

லிங்கராஜ்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.