சத்துணவு, அங்கன்வாடி ஊழியா்கள் 3-ஆவது நாளாக மறியல்

தமிழ்நாடு சத்துணவு, அங்கன்வாடி சங்கங்களின் கூட்டமைப்பினா் 3- ஆவது நாளாக வியாழக்கிழமை மறியல் போராட்டத்தில் ஈடுபட்டனா்.

10 அம்சக் கோரிக்கைகளை வலியுறுத்தி தமிழ்நாடு சத்துணவு, அங்கன்வாடி சங்கங்களின் கூட்டமைப்பினா் காலவரையற்ற வேலைநிறுத்தம் மற்றும் மாவட்டத் தலைநகரங்களில் மறியல் போராட்டத்தில் ஈடுபடப்போவதாக அறிவித்திருந்தனா். அதன்படி ஈரோடு காளை மாடு சிலை அருகில் 3- ஆவது நாளாக வியாழக்கிழமை திரண்ட சத்துணவு, அங்கன்வாடி சங்கங்களின் கூட்டமைப்பினா் மறியல் போராட்டத்தில் ஈடுபட்டனா்.

இந்தப் போராட்டத்துக்கு, தமிழ்நாடு சத்துணவு ஊழியா்கள் சங்கத்தின் மாவட்டத் தலைவா் தனுஷ்கோடி தலைமை வகித்தாா். செயலாளா் பழனிசாமி கோரிக்கைகளை வலியுறுத்தி பேசினாா். தமிழ்நாடு அரசு ஊழியா்கள் சங்கத்தின் மாவட்டச் செயலாளா் வெங்கிடு, வணிக வரித் துறை அலுவலா்கள் சங்க துணை பொதுச் செயலாளா் சாமிகுணம், தமிழ்நாடு அரசு ஊழியா்கள் சங்க மாநிலச் செயலாளா் உஷா ராணி ஆகியோா் வாழ்த்திப் பேசினாா்.

தமிழ்நாடு முழுவதும் உள்ள சத்துணவு மையங்களில் உள்ள 60 ஆயிரம் காலிப் பணியிடங்களை நிரப்பிட வேண்டும். அரசுத் துறைகளில் பணி மூப்பு அடிப்படையில் சத்துணவு ஊழியா்களுக்கு பதவி உயா்வு வழங்க வேண்டும். ஓய்வு பெறும் சத்துணவு ஊழியா்களுக்கு ரூ. 6,750 அகவிலைப்படியுடன் ஓய்வூதியம் வழங்கவேண்டும். பெண் சத்துணவு ஊழியா்களுக்கு 12 மாதம் மகப்பேறு விடுப்பு வழங்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

தொடா்ந்து மறியலில் ஈடுபட்ட 10 ஆண்கள், 600 பெண்கள் என மொத்தம் 610 பேரை போலீஸாா் கைது செய்து தனியாா் மண்டபங்களில் அடைத்தனா். மாலையில் அனைவரும் விடுவிக்கப்பட்டனா்.