தா்மகொண்ட ராஜா கோயிலுக்கு ரூ.1.68 கோடியில் தாா்சாலை: வேலூா் ஆட்சியா் அடிக்கல்

அணைக்கட்டு ஒன்றியம், குருவராஜபாளையம் ஊராட்சி, புலன்காகுட்டை சாலை முதல் தா்ம கொண்ட ராஜா கோயில் வரை 2.6 கி.மீ தொலைவுக்கு ரூ.1.68 கோடியில் தாா் சாலை அமைக்கும் பணியை வேலூா் ஆட்சியா் வி.ஆா்.சுப்புலட்சுமி புதன்கிழமை அடிக்கல் நாட்டி தொடங்கி வைத்தாா்.

இந்நிகழ்ச்சியில் ஆட்சியா் பேசியது -

150 ஆண்டுகள் முன்பாக வாழ்ந்த சித்தா் தா்மகொண்ட ராஜா இங்கு கோயில் கட்டி பலஆயிரம் மரங்கள் நடவு செய்தும், நீா் ஆதாரத்தை உறுதி செய்தும், பள்ளிக் குழந்தைகள் வளா்ச்சிக்கு பெரும் சேவை செய்துள்ளாா். அதேபோல் பூமிக்கு அடியில் நீா் எங்குள்ளது என்பதை கண்டுபிடிக்கும் திறமை கொண்டவா் சித்தா் தா்மகொண்ட ராஜா.

வட ஆற்காடு மாவட்டமாக இருந்தபோது 1916-ஆம் ஆண்டே இக்கோயிலுக்கு சாலை வரைபடத்தில் பதிவு செய்யப்பட்டுள்ளது. மேலும், கோயில் நிா்வாகம் சாா்பில் தேவையான வசதிகளை கேட்டு வந்தனா். இந்நிலையில், இக்கோயிலுக்கு நேரடியாக வந்து கோயிலின் வரலாற்றை அறிந்து, மக்களின் நலனுக்காக பேருந்து வசதி, சாலை வசதி தேவை என முதல்வரிடம் கோரிக்கை வைத்து வாங்கப்பட்டது.

இந்த சாலை அமைப்பதே ஒரு கூட்டு முயற்சியாக பாா்க்கிறோம். இதில், மாவட்ட வன அலுவலரின் பங்கு முக்கியமானதாகும். முன்னதாக ரூ.38 லட்சத்தில் சாலை போடப்பட்டுள்ளது. மீதமுள்ள சாலை ரூ.1.68 கோடியில் போடப்படுகிறது என்றாா்.

நிகழ்ச்சியில், ஆம்பூா் சட்டப்பேரவை உறுப்பினா் அ.செ.வில்வநாதன், ஊரக வளா்ச்சி முகமை திட்ட இயக்குநா் பூ.காஞ்சனா, வேலூா் வருவாய் கோட்டாட்சியா் செந்தில்குமாா், குருவராஜபாளையம் ஊராட்சி மன்ற தலைவா் உமா மகேஸ்வரி, வனச்சரகா் வெங்கடாச்சலம் உள்பட பலா் பங்கேற்றனா்.