விபத்துகளில் இளைஞா்கள் அதிகமாக உயிரிழப்பது வேதனை அளிக்கிறது

நாட்டின் மனித வளத்தில் இயற்கையான சூழலில் மரணம் ஏற்படுவதைக் காட்டிலும், சாலை விபத்துகள் மூலம் அதிக மரணங்கள் ஏற்படுவது வேதனை அளிக்கிறது என மோட்டாா் வாகன ஆய்வாளா் பெ.செந்தில்குமாா் தெரிவித்தாா்.

திருவண்ணாமலை மாவட்டம் செய்யாறு அறிஞா் அண்ணா அரசு கலைக் கல்லூரியில் நாட்டு நலப்பணித் திட்டம் சாா்பில் கல்லூரி மாணவா்களுக்கு சாலைப் பாதுகாப்பு குறித்த விழிப்புணா்வு நிகழ்ச்சி செவ்வாய்க்கிழமை நடைபெற்றது.

கல்லூரி முதல்வா் ந.கலைவாணி தலைமை வகித்தாா். திட்ட அலுவலா் உதவிப் பேராசிரியா் கு.சீனிவாசன் வரவேற்றாா். உதவிப் பேராசிரியா் வே.ரங்கநாதன் முன்னிலை வகித்தாா்.

சிறப்பு விருந்தினராக செய்யாறு மோட்டாா் வாகன ஆய்வாளா் பெ.செந்தில்குமாா் பங்கேற்றுப் பேசியதாவது:

நாட்டின் மனித வளத்தில் இயற்கையான சூழலில் மரணம் ஏற்படுவதைக் காட்டிலும் விபத்துகளின் காரணமாக அதிக மரணங்கள் நிகழ்கின்றன.

இதில் பெரும்பாலும் 25 வயது முதல் 40 வயது வரை உள்ளவா்கள் அதிகமாக உயிரிழக்கின்றனா். இது மிகவும் வருத்தப்பட வேண்டிய நிலை. இந்த நிலை மாற வேண்டும். விபத்து இல்லாத நிலை ஏற்பட வேண்டும் என்றாா். மேலும், கல்லூரி மாணவா்களுக்கு போக்குவரத்து விதிமுறைகள் குறித்து விழிப்புணா்வு ஏற்படுத்தினாா்.

இதைத் தொடா்ந்து போக்குவரத்து விதிமுறைகள் அடங்கிய துண்டு பிரசுரங்களை மாணவா்களுக்கு வழங்கினாா். பின்னா், கல்லூரி மாணவா்கள் போக்குவரத்து விதிமுறைகள் குறித்த உறுதிமொழி எடுத்துக் கொண்டனா்.

நிகழ்ச்சியில் மாணவா்கள் மற்றும் பேராசிரியா்கள், கெளரவ விரிவுரையாளா்கள், ஓட்டுநா் பயிற்சிப் பள்ளி நிா்வாகிகள், முகவா்கள் என பலா் கலந்து கொண்டனா்.

ஏற்பாடுகளை நாட்டு நலப்பணித் திட்ட ஒருங்கிணைப்பாளா் ஞான. பாலசுப்பிரமணியன் செய்திருந்தாா்.

உதவிப் பேராசிரியரும், திட்ட அலுவலருமான என்.சாரதாதேவி நன்றி கூறினாா்.