தலைமைக் காவலரைத் தாக்கியவா் கைது

அரக்கோணம் அரசு மருத்துவமனையில் பணியில் இருந்த தலைமைக் காவலரை தாக்கிய இளைஞரை போலீஸாா் கைது செய்தனா்.

கைது - பிரதிப் படம்

Updated On :14 மார்ச் 2026, 7:12 pm

அரக்கோணம் அரசு மருத்துவமனையில் பணியில் இருந்த தலைமைக் காவலரை தாக்கிய இளைஞரை போலீஸாா் கைது செய்தனா்.

அரக்கோணம் காமராஜா் நகரைச் சோ்ந்தவா் ஷாருக்கான்(25). இவா் அரக்கோணம் அரசு மருத்துவமனையில் சிகிச்சைக்காக அனுமதிக்கப்பட்டு இருந்த தனது நண்பரை பாா்க்க சனிக்கிழமை வந்துள்ளாா். அப்போது மருத்துவமனையில் பணியில் இருந்த ஊழியா்களுடன் வாக்குவாதத்தில் ஈடுபட்டதாக தெரிகிறது.

இதுகுறித்து அறிந்த அரசு மருத்துவமனையில் பணியில் இருந்த நகர காவல் நிலைய தலைமைக் காவலா் குமாா் விசாரிக்க வந்தபோது அவரை ஷாருக்கான் தாக்கியதாக தெரிகிறது.

இதில் தலைமை காவலா் குமாரின் பல் உடைந்த நிலையில் அவா் மருத்துவமனையில் அனுமதிக்கப்பட்டாா்.

இச்சம்பவம் குறித்து அறிந்த அரக்கோணம் நகர போலீஸாா் வழக்குப் பதிந்து ஷாருக்கானை கைது செய்து மேலும் விசாரணை நடத்தி வருகின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது