பாகிஸ்தான் பயணத்தை இளவரசர் வில்லியம் - கேட் மிடில்டன் ரத்து செய்ய வாய்ப்பு?

பாகிஸ்தான் வெளியுறவுத் துறை அமைச்சகத்தின் வேண்டுகோளை ஏற்று அந்நாட்டுக்குச் செல்வதாக இருந்த இங்கிலாந்து இளவரசர் வில்லியம் மற்றும் கேட் மிடில்டன் ஆகியோர் தங்களது முடிவை பரிசீலனை செய்யவிருப்பதாக தகவல்கள் தெரிவிக்கின்றன.

காஷ்மீர் விவகாரம் தொடர்பாக இந்தியா - பாகிஸ்தான் இடையே பதற்றமான சூழ்நிலை உருவாகியிருக்கும் நிலையில் இங்கிலாந்து அரச குடும்ப தம்பதியின் வருகை ரத்து செய்யப்பட வாய்ப்பிருப்பதாக தி நியூஸ் இன்டர்நேஷனல் தகவல் தெரிவித்துள்ளது.

ஒரு வேளை வில்லியம் தம்பதி பாகிஸ்தான் வந்தால், 2006ம் ஆண்டு இளவரசர் சார்லஸ் - கமிலா தம்பதியினர் தெற்காசிய நாடுகளுக்கு சுற்றுப் பயணம் வந்து சென்ற பிறகு, அரச குடும்பத்தைச் சேர்ந்த தம்பதி பாகிஸ்தான் வருவது இது முதல்முறையாக இருக்கும்.