வீட்டுக் குறிப்புகள்...

பிரம்புச் சாமான்களை எலுமிச்சைச் சாறு கொண்டு தேய்த்து துடைத்தால் அவை புதுப்பொலிவு பெறும்.

ஆடையில் சுயிங்கம் ஒட்டிக் கொண்டால், ஐஸ் கட்டி மூலம் அங்கு தேய்த்தால் போதும். எளிதில் வந்துவிடும்.

சுவர்களில் உள்ள ஓட்டைகளைப் பற்பசையைக் கொண்டு அடைக்கலாம். பற்பசை நன்கு காய்ந்தவுடன் சுவரின் நிறத்தையே அந்தப் பற்பசையின் மீது அடித்தால் ஓட்டையைத் தேடினாலும் கிடையாது.

துணியில் மருதாணிக் கறை பட்டிருந்தால், அதை வெதுவெதுப்பான பாலில் அரைமணி நேரம் ஊற வைத்துப் பின்னர் சோப்பு போட்டு அலசுங்கள். சரியாகிவிடும்.

அவசரத்துக்கு வெள்ளியினாலான பொருள்களைப் பளபளப்பாக்க வேண்டுமானால் கொஞ்சம் பற்பசையை தேய்த்து துணியால் துடைத்தால்  போதும். கறுப்பு மறைந்துவிடும்.

பழங்களுடன் ஸ்டார்ச் அதிகமுள்ள உணவு (உருளைக்கிழங்கு போன்றவற்றை) உண்டால் இரண்டுக்கும் உள்ள ஜீரணிக்கும் நேர வித்தியாசத்தால் பாதிப்புகள் உண்டாகும்.

மாமிசத்தையும் பாலையும் சேர்த்து உண்ணக் கூடாது. மாமிசம் சூட்டை அதிகரிக்கும். உணவு, பால் உடலை குளிர்விக்கும். இரண்டும் பொருந்தாதவை. ஜீரண அக்னி பாதிக்கப்படும்.

முலாம் பழத்தையும் பாலையும் சேர்த்து உண்ணக் கூடாது.  இரண்டும் குளிர்ச்சியானவை. ஆனால், பால் மலமிளக்கி. முலாம்பழம் சிறுநீரைப் பெருக்கும். பால் ஜீரணிக்க நேரமாகும். வயிற்றில் திரிந்துவிடும்.