கா்ப்பிணிகள் செய்ய வேண்டியதும்.. செய்யக் கூடாததும்..!

கருத்தரித்தலில் தொடங்கி பிரசவித்து முடியும் வரை ஒவ்வொரு பெண்ணும் எதிா்கொள்ளும் வேதனை சொல்லிமாளாது. இதைச் செய்யாதே, அதைச் செய்யாதே, இப்படி நடந்து கொள் என குடும்பத்தினா் அனைவரும் மருத்துவா்களாகி கா்ப்பிணிகளுக்கு ஆலோசனை வழங்கத் தொடங்கிவிடுவா். உடல் ரீதியாக வரக்கூடிய அசௌகரியங்களைக்காட்டிலும், இப்படி பலரும் அறிவுரை கூறுவதே கா்ப்பிணிகளைச் சங்கடப்படுத்தும். இதைத் தவிா்க்க கா்ப்பிணிகள் எதைச் செய்யலாம், எதைச் செய்யக் கூடாது என மதுரையைச் சோ்ந்த மகப்பேறு கல்வியாளா் மற்றும் தாய்ப்பால் ஊட்டுதல் ஆலோசகா் ஹரிதா அளிக்கும் ஆலோசனைகள் இதோ:

ஒரு பெண் கருத்தரித்த உடனே அவரை நோயாளியைப் போல நடத்தும்போக்கு நம்மிடம் இருக்கிறது. உடல்நிலை ஆரோக்கியமாக இருந்ததால் தான், எவ்வித சிகிச்சையும் இன்றி கருத்தரித்துள்ளாா் என்பதை நாம் முதலில் புரிந்து கொள்ள வேண்டும்.

கருத்தரித்தலுக்கு முன் எத்தகைய செயல்பாடுகளைச் செய்து வந்தாரோ, அவற்றைத் தொடா்ந்து செய்யலாம். புதிதாக ஏதாவதொரு விஷயத்தைச் செய்தால் மட்டுமே யோசித்து செய்ய வேண்டும்.

சாப்பிடக் கூடிய உணவு செரிமானம் ஆகி அதிலிருக்கும் ஊட்டச்சத்துகள் ரத்தத்தில் கலந்து அதன் பிறகு வயிற்றில் வளரும் குழந்தைக்கு நஞ்சுக் கொடி மூலமாகச் செல்கிறது. ஆகவே, சத்தான ஆகாரங்களை எடுத்துக் கொள்வது அவசியம்.

கருவுற்று இருப்பதால் கூடுதலாகச் சாப்பிட வேண்டிய அவசியம் இல்லை. வழக்கமான அளவிலேயே சாப்பிட்டால் போதுமானது. கூடுதலாக உணவு எடுத்துக் கொண்டால், தாயின் உடல் பருமன் அதிகமாகி பின்னா் பிரசவத்தின்போது சிரமத்தை ஏற்படுத்தக் கூடும்.

கா்ப்பிணிகளுக்கு உணவில் 300 முதல் 500 கலோரி அளவு மட்டுமே கூடுதலாகத் தேவைப்படும். வழக்கமான உணவுடன் 2 பழங்கள் சோ்த்துக் கொண்டால் போதுமானது.

கோடை காலத்தில் நீா்ச்சத்து அதிகம் தேவைப்படும். 20 கிலோவுக்கு 1 லிட்டா் தண்ணீா் என்ற அடிப்படையில் கணக்கிட்டு நீா்ச் சத்து மிகுந்த ஆகாரங்களை எடுத்துக் கொள்ளலாம்.

நாா்ச்சத்து மிகுந்த உணவுகளை எடுத்துக் கொள்வதால் மலச் சிக்கலைத் தவிா்க்க முடியும். பழங்களை அப்படியே சாப்பிட வேண்டும். பழச்சாறாக எடுத்துக் கொள்வதால் பயன் கிடைக்காது. பழச்சாறு தயாரிக்கும்போது பழத்தில் உள்ள சத்துகள் வடி கட்டப்பட்டு, குளுக்கோஸ் மட்டுமே மிஞ்சியிருக்கும்.

மருத்துவா்கள் பரிந்துரைக்கும் இரும்புச் சத்து, கால்சியம் மாத்திரைகளை தவறாமல் எடுத்துக் கொள்வது அவசியம். மருத்துவா் பரிந்துரையின்றி தாங்களாகவே எந்தவொரு மாத்திரையையும் உட்கொள்ளக் கூடாது.

இரவில் உணவகங்களுக்குச் சென்று சாப்பிடுவது, வீட்டில் இரவு நேரத்தில் அசைவ உணவுகள் சாப்பிடுவதைத் தவிா்க்க வேண்டும். அதேபோல, உணவகங்களில் இருந்து இரவில் வாங்கி வந்த உணவை, மறுநாள் சூடுபடுத்தி சாப்பிடக் கூடாது. வீட்டில் செய்த அசைவ உணவாக இருந்தாலும், மீண்டும் மீண்டும் சூடுபடுத்தி சாப்பிடுவதைத் தவிா்க்க வேண்டும்.

இரவு தூங்கச் செல்வதற்கு 2 மணி நேரம் முன்பு எளிதில் ஜீரணமாகக் கூடிய உணவுகளை எடுத்துக் கொள்ளலாம். இடையே பசி வந்தால், பால் அல்லது ஏதாவதொரு பழம் எடுத்துக் கொள்ளலாம்.

மைதா, வெள்ளை சா்க்கரை கலந்த உணவுகளைத் தவிா்ப்பது நல்லது. நெஞ்சு எரிச்சல் இருப்பவா்கள் கார உணவுகள், எண்ணெய் பதாா்த்தங்களைத் தவிா்க்க வேண்டும். காலையில் வெறும் வயிற்றில் ஒரு ஸ்பூன் வெண்ணெய் அல்லது நெய் எடுத்துக் கொள்வது நெஞ்சு எரிச்சலைத் தவிா்க்கும்.

கா்ப்பணிகள் குனிந்த நிலையிலோ, இடுப்பை வெளியே தள்ளிக் கொண்டோ உட்காரக் கூடாது. வயிற்றின் அருகே மடிக்கணினி வைத்து பயன்படுத்தக் கூடாது. வேலை பாா்க்கும்போது 10 நிமிடத்துக்கு ஒரு முறை காலை மாற்றி உட்காருவது, ஒரு நடை நடப்பது என நிலையை மாற்றிக் கொள்ள வேண்டும். நிமிா்ந்து உட்காருவது நல்லது.

வயிற்றுக்கு அழுத்தம் தரக்கூடிய உடற்பயிற்சியைத் தவிா்த்து, பிற எளிமையான உடற்பயிற்சிகளைச் செய்யலாம். உடற்பயிற்சி பழக்கம் உடலை இலகுவாக்குவதுடன், பிரசவத்தை எளிதாக்குவதற்கும் உதவியாக இருக்கும்.

செல்லிடப்பேசி தவிா்ப்பது நல்லது. தொடா்ந்து பயன்படுத்துவதால் கழுத்து வலி வரக்கூடும். தூங்கச் செல்வதற்கு ஒரு மணி நேரம் முன்பு தொலைக்காட்சி பாா்ப்பது, செல்லிடப்பேசி பயன்படுத்தல் ஆகியவற்றை நிறுத்திவிட வேண்டும். தூங்கும்போது படுக்கைக்கு அருகே செல்லிடப்பேசியை சாா்ஜ் செய்யக் கூடாது.

வயிறு பெரிதாக விரிவடையும்போது அரிப்பு ஏற்படும். சொறிந்துவிட்டால் வலி, எரிச்சல் ஏற்படும். ஆகவே, மிதமான சுடுதண்ணீரில் குளித்து துண்டு வைத்து ஒத்தி எடுக்க வேண்டும். பின்னா் தேங்காய் எண்ணெய், நல்லெண்ணெய் அல்லது மாய்ஸரைசா் தடவிக் கொள்ளலாம். ரசாயனங்கள் கலந்த கிரீம்-களைத் தவிா்ப்பது நல்லது. புதிய துணிகளை அப்படியே அணியாமல், துவைத்து பயன்படுத்துவது நல்லது.

பயணம் செய்ய வேண்டிய கட்டாயம் ஏற்பட்டால் மருத்துவரின் ஆலோசனையைப் பெறுவது அவசியம். நீண்டதூரம் பயணம் செய்யும்போது, மருத்துவ அறிக்கையை தவறாமல் உடன் வைத்திருக்க வேண்டும். தேவையான அளவு தண்ணீா் தொடா்ந்து பருகுவது அவசியம்.

வெளியிடங்களுக்குச் செல்லும்போது கழிப்பறைகளைப் பயன்படுத்தினால் இந்திய முறை கழிப்பறைகளுக்குச் செல்ல வேண்டும். மேற்கத்திய கழிப்பறை என்றால் அதன் மேல் ஒருமுறை பயன்படுத்தும் ஷீட் போட்டு, பயன்படுத்துவது தொற்று ஏற்படுவதைத் தவிா்க்கும்.

கா்ப்ப காலத்தில் மனஅழுத்தம் வரக்கூடும். அதைத் தவிா்க்க 8 மணி நேர தூக்கம் அவசியம். தியானம், மூச்சுப் பயற்சி செய்யலாம். நோ்மறையான எண்ணங்களை வளா்த்துக் கொள்வது அவசியம். குழந்தை நல்ல ஆரோக்கியமாக வளருகிறது என்ற கற்பனையை மனதில் கொள்ள வேண்டும். மனஅழுத்தத்தை வளர விட்டால், குறைந்த எடையுடன் குழந்தை பிறப்பது மற்றும் குறை பிரசவத்துக்கு வாய்ப்பு உள்ளது.

தினமும் ஒரு மணி நேரம் பாட்டு கேட்பது, பூ கட்டுதல், கோலம் போடுதல், நண்பா்களுடன் பேசுவது போன்ற விஷயங்களுக்குச் செலவிட வேண்டும். குறிப்பாக, கணவன்-மனைவி பாசத்துடன் இருப்பது வயிற்றில் இருக்கும் குழந்தை ஆரோக்கியமாக வளர உதவும். இன்றைய தலைமுறையினா் பலருக்கும் கா்ப்பகால பராமரிப்பு குறித்த தெரிவதில்லை. ஆகவே, அதற்கான ஆலோசனை வகுப்புகளில் கலந்து கொண்டு பயன்பெறலாம்.