டிப்ஸ்... டிப்ஸ்...

<  சமைக்கும்போது கத்தி போன்ற கூரிய ஆயுதங்களால் வெட்டுக் காயங்கள் ஏற்பட்டாலோ அல்லது தீக்காயங்கள் ஏற்பட்டாலோ சோற்றுக் கற்றாழையை உடைத்து அதிலிருந்து வெளிப்படும் ஜெல்லைத் தடவினால் காயத்தின் ரணம் விரைவில் ஆறிவிடும்.

<  நகப் பாலிஷ் பாட்டிலைத் திறப்பதற்குக் கடினமாக இருந்தால் அதன் கழுத்துப் பகுதியில் சிறிது "வாசலின்' தடவி வைத்தால் திறந்து மூடுவது சுலபமாகிவிடும்.

<  வீட்டுத் தரையைச் சுத்தப்படுத்தும் தண்ணீரில் ஒரு எலுமிச்சம் பழத்தைப் பிழிந்து விட்டால் தரை பளிச்சென இருக்கும். சின்னசின்னப் பூச்சிகள் கூட வராது.

<   செந்துளசி இலைச் சாற்றை வீட்டினுள் தெளித்தால் கொசு, விஷப்பூச்சிகள் வராது.

<  ரெடிமேட் ஆடைகளை வாங்கும்போது அதன் உள்ளே கெட்டியான அட்டை ஒன்று இருக்கும். அதில் டெலிபோன் எண்களை எழுதி போன் அருகில் தொங்கவிட்டால் அவசர நேரத்திற்கு உதவும்.

<  வெதுவெதுப்பான தண்ணீரில் ஒரு கைப்பிடி கறிவேப்பிலையைப் போட்டு வைத்துவிட்டு சிறிது நேரம் கழித்து அந்த நீரில் வீட்டைத் துடைத்தால் ஈ, எறும்பு வராது.

<   வேப்பெண்ணெயைப் பஞ்சில் நனைத்து ஸ்வாமி படங்களைத் துடைத்தால் பூச்சிகள் அன்டாது.