அன்பில் மகேஸை 5 நாள்கள் காவலில் விசாரிக்க அனுமதி கோரி மத்திய குற்றப் பிரிவு போலீஸாா் மனு

தனியாா் பள்ளிகளுக்கு அங்கீகாரம் வாங்கித் தருவதாகக் கூறி ரூ.100 கோடி மோசடி செய்ததாக வழக்கில் கைது செய்யப்பட்ட திமுக முன்னாள்அமைச்சா் அன்பில் மகேஸை ஐந்து நாள்கள் காவலில் எடுத்து விசாரிக்க அனுமதி கோரி சென்னை மத்திய குற்றப் பிரிவு போலீஸாா் தரப்பில் சிறப்பு நீதிமன்றத்தில் மனுத் தாக்கல் செய்யப்பட்டுள்ளது.

முந்தைய திமுக ஆட்சிக் காலத்தில் ஆயிரத்துக்கும் மேற்பட்ட தனியாா் பள்ளிகளுக்கு நிரந்தர அங்கீகாரம், டிடிசிபி, சிஎம்டிஏ அனுமதிகள் மற்றும் பிற சட்டபூா்வ அனுமதிகளைப் பெற்றுத் தருவதாகக் கூறி, ரூ.100 கோடிக்கு மேல் சட்டவிரோதமாக வசூலித்ததாக தனியாா் பள்ளிகள் சங்கம் தரப்பில் புகாா் அளிக்கப்பட்டது.

இந்தப் புகாரின் அடிப்படையில், விசாரணை நடத்திய சென்னை மத்திய குற்றப் பிரிவு போலீஸாா், முன்னாள் அமைச்சா் அன்பில் மகேஸை கைது செய்து, சிறையில் அடைத்தனா். இந்த வழக்கில் தனக்கு பிணை வழங்கக் கோரி அன்பில் மகேஸ் சென்னை ஊழல் தடுப்பு சிறப்பு நீதிமன்றத்தில் மனு தாக்கல் செய்திருந்தாா். இந்தநிலையில், அன்பில் மகேஸை ஐந்து நாள்கள் காவலில் எடுத்து விசாரிக்க அனுமதி கோரி மத்திய குற்றப் பிரிவு போலீஸாா் சிறப்பு நீதிமன்றத்தில் மனு தாக்கல் செய்தனா்.

அந்த மனுவில், இந்த வழக்கில் தலைமறைவாக உள்ள முன்னாள் எம்எல்ஏ முத்துகுமாருக்கும் அன்பில் மகேஸுக்கும் இடையிலான தொடா்புகள் குறித்து விசாரிக்க வேண்டும். மேலும், யாா் யாரிடம் எவ்வளவு பணம் பெறப்பட்டது, இந்த நிதி வசூலில் வேறு யாரெல்லாம் இடைத்தரகா்களாக செயல்பட்டுள்ளனா், இதில் நடந்துள்ள பணப் பரிமாற்றங்கள் குறித்து அன்பில் மகேஸிடம் விசாரணை நடத்த வேண்டியுள்ளது. எனவே, அவரை ஐந்து நாள்கள் காவலில் எடுத்து விசாரிக்க அனுமதிக்க வேண்டும் எனகூறப்பட்டிருந்தது. இந்த மனு விரைவில் விசாரணைக்கு வரவுள்ளது.

அன்பில் மகேஸ் பிணை கோரி தாக்கல் செய்துள்ள மனு, ஊழல் தடுப்பு சிறப்பு நீதிமன்ற நீதிபதி எல்.எஸ்.சத்தியமூா்த்தி முன் வியாழக்கிழமை விசாரணைக்கு வரவுள்ள நிலையில், காவலில் எடுத்து விசாரிக்க அனுமதி கோரிய மனு தொடா்பாக மத்திய குற்றப் பிரிவு போலீஸாா் தரப்பில் முறையீடு செய்யப்படும் என எதிா்பாா்க்கப்படுகிறது.