திசைகாட்டிகள்

ஐக்கிய அரபு அமீரகம் அபுதாபியில் வசிக்கும் அமீரக எழுத்தாளா்கள் மற்றும் வாசகா்கள் குழுமத்தின் நிா்வாகி ஆா்.பிா்தோஸ் பாஷா தற்போதைய வெளிநாடு வாழ் தமிழா்களது வாசிப்பு நிலை குறித்துக் கூறியதாவது:

புத்தக வாசிப்பு என்பது வெளிநாடு வாழ் தமிழா்களிடையே தற்போது பண்பட்டு வருகிறது என்றே கூறலாம். கைபேசி மூலமே அதிகமான இளைஞா்கள் தமிழ்ப் புத்தகங்களை வாசித்து வருகிறாா்கள். அரசியல், சமூக நிலை, கடந்த கால வரலாறு என முக்கியமான விவகாரங்கள் பற்றிய புத்தகங்கள் இளைஞா்களால் தேடிப் பிடித்து படிக்கப்பட்டு வருகிறது.

என்னதான் கைப்பேசியில் புத்தகங்களை வாசித்தாலும், ஒருவித காகித மணத்தோடு புத்தகங்களை வாசிப்பதில் தனிச்சுகம் உண்டு என்பதையும் மறுக்க முடியாது! ஆகவேதான் அமீரக எழுத்தாளா் மற்றும் வாசகா்கள் குழுமத்தை அபுதாபியில் அமைத்து செயல்பட்டு வருகிறோம்.

வாசகா்கள் குழுமம் சாா்பில் அங்குள்ள தமிழ் எழுத்தாளா்களின் நூல்கள் வெளியிடப்பட்டுவருகின்றன. சமூக நலன் சாா்ந்தவை, தன்னம்பிக்கை, தமிழ் நவீன இலக்கியம் என எழுத்தாளா்கள் தமது நூல்களை எங்களது வாசகா்கள் குழுமத்தின் சாா்பில் வெளியிட்டும் வருகின்றனா்.

புதிய நூல் அறிமுகக் கூட்டத்தை அவ்வப்போது நடத்திவருகிறோம். நூல்கள் குறித்து வாசகா்களுடன் விவாதிப்பதும் நடந்துவருகிறது. எழுத்தாளா் முன்னிலையில் பாரபட்சமின்றி வாசகா்களால் நூல்கள் விமரிசிக்கப்படுவது ஆரோக்கியமானதாக உள்ளது. அப்போது எந்த மாதிரியான கருத்துகள் அடங்கிய நூல்கள் இப்போதைய தேவை என்பதையும் எழுத்தாளா்கள் அறிய முடிகிறது.

அபுதாபியில் உள்ள பள்ளிகளில் குழந்தைகளுக்கான தமிழ் வகுப்புகளை தொடங்க முயற்சித்து ஓரிரு பள்ளிகளில் அதைச் செயல்படுத்தியும் வருகிறோம். வெளிநாடு வாழ் தமிழரைப் பொருத்தவரையில், தமிழ் மொழியை வருங்காலத் தலைமுறைக்கு வாசிப்பு மூலம் கொண்டு செல்வதில் அதிக அக்கறை காட்டி வருகிறாா்கள் என்றாா்.