தீபாவளி: ஆன்லைன் வகுப்புகளுக்கு 4 நாள்கள் விடுமுறை

தீபாவளியை முன்னிட்டு தமிழகத்தில் ஆன்லைன் வகுப்புகளுக்கு இன்று முதல் 4 நாள்கள் விடுமுறை அறிவிக்கப்பட்டுள்ளது.

தீபாவளி பண்டிகை வரும் சனிக்கிழமை (நவ.14) நாடு முழுவதும் கொண்டாடப்பட உள்ளது. தீபாவளி பண்டிகை வார இறுதி நாள்களில் வந்ததால், பள்ளி மாணவ, மாணவிகள் பயன்பெறும் வகையில், தமிழகத்தில் ஆன்லைன் வகுப்புகளுக்கு இன்று முதல் நான்கு நாள்களுக்கு விடுமுறை அறிவித்து பள்ளிக் கல்வித் துறை உத்தரவிட்டுள்ளது.

இதையும் படிக்கலாமே.. பள்ளிகள், கல்லூரிகள் திறப்பு ஒத்திவைப்பு: தமிழக அரசு அறிவிப்பு

ஏற்கனவே, நவம்பர் 16-ம் தேதி திறக்கப்பட இருந்த பள்ளி, கல்லூரிகள் திறப்பு ஒத்திவைக்கப்பட்டு, பள்ளி, கல்லூரிகள் திறக்கப்படும் தேதி பின்னர் அறிவிக்கப்படும் என்று தெரிவிக்கப்பட்டிருந்த நிலையில், தற்போது தீபாவளிப் பண்டிகையை முன்னிட்டு ஆன்லைன் வகுப்புகளுக்கும் நான்கு நாள்களுக்கு விடுமுறை அறிவிக்கப்பட்டுள்ளது.

தமிழக அரசின் இந்த அறிவிப்பினால், தீபாவளியைக் கொண்டாட சொந்த ஊர்களுக்குச் செல்ல திட்டமிட்டோருக்கு மிகுந்த மகிழ்ச்சி ஏற்பட்டுள்ளது.