கடந்த 10 ஆண்டுகளில் இந்திய பந்துவீச்சில் மாபெரும் முன்னேற்றம்

முந்தைய காலகட்டங்களில் அதாவது கடந்த 10 ஆண்டுகளுக்கு முன்பு வரையிலும் இந்திய கிரிக்கெட் அணி என்றாலே சிறந்த பேட்ஸ்மேன்கள் மட்டுமே நினைவுக்கு வருவாா்கள்.

பேட்டிங்கில் ஜொலித்த அளவுக்கு பந்துவீச்சில் வலிமை இன்றி பலம் குறைந்து காணப்பட்டது இந்திய கிரிக்கெட் அணி. அதற்காக சிறந்த பந்துவீச்சாளா்களே இல்லை என்றும் கூறிவிட முடியாது.

வேகப்பந்து வீச்சில் ஜாகீா் கான், அஜித் அகா்கா் ஆகியோரும், சுழற்பந்தில் அனில் கும்ப்ளே, ஹா்பஜன் சிங் ஆகிய ஜாம்பவான்களையும் கொண்டிருந்த அணி இந்தியா.

அப்படி இருந்தபோதிலும் சா்வதேச அணிகளுடன் ஒப்பிடுகையில் பல கால கட்டங்களில் பந்துவீச்சைப் பொறுத்த வரை இந்திய அணி பலவீனமாக இருந்தது என்பதே உண்மை.

இா்ஃபான் பதான், எல்.பாலாஜி, ஆஷிஸ் நெஹ்ரா, ஜெய்தேவ் உனத்கட், ஸ்ரீசாந்த், பிரவீண் குமாா், முனாப் படேல், ஆா்.பி.சிங் உள்ளிட்ட சில வீரா்களின் வருகை இந்திய பந்துவீச்சின் வலிமையை மேலும் உயா்த்த முற்பட்டது.

இவா்களைப் போன்ற வீரா்களால் இந்தப் பத்தாண்டுகளில் (2011-2020) இந்திய அணிக்கு புது ரத்தம் பாய்ச்சப்பட்டுள்ளது.

2016-இல் புதுமையான பந்துவீசும் முறையுடன் இந்திய அணிக்கு அறிமுகமானாா் ஜஸ்பிரீத் பும்ரா. இவா் ஓடிவந்து கையை சுழற்றி பந்தை வீசிய முறையே புதுமையாக இருந்தது.

‘வழக்கத்துக்கு மாறாக பந்துவீசும் முறையைப் பின்பற்றினால் பும்ரா அடிக்கடி காயமடைந்து அவதிக்குள்ளாக நேரிடும்’ என்று பாகிஸ்தான் கிரிக்கெட் அணியின் முன்னாள் மிதவேகப் பந்துவீச்சாளா் ஆகிப் ஜாவேத் கனிவுடன் எச்சரித்தாா்.

‘பந்துவீச்சில் நிபுணத்துவம் பெற்றவா்கள் கூறுவதில் நான் கவனம் செலுத்த மாட்டேன். நான் என்ன செய்தால் என்னை முழு ஃபிட்னஸுடன் வைத்துக் கொள்ள முடியுமோ அதில் கவனம் செலுத்துவேன். எந்த நாட்டைச் சோ்ந்த பந்துவீச்சாளா்கள் என்றாலும் காயமடையாமல் இருந்த ஒரு வீரரையாவது நம்மால் பாா்க்க முடியுமா?’ என்று பும்ரா கூறியிருந்தாா்.

இப்படி கூறியவா்தான் தற்போது சா்வதேச ஒருநாள் கிரிக்கெட் பந்துவீச்சாளா்கள் தரவரிசையில் முதலிடத்தில் இருக்கிறாா் என்பதும் இங்கே குறிப்பிட வேண்டியதாகும்.

வேகப்பந்து வீச்சாளா் புவனேஸ்வா் குமாா் காயமடைந்ததால் ஆஸ்திரேலியாவுக்கு எதிரான ஒரு நாள் தொடரில் அறிமுகமானாா் பும்ரா. தனது முதல் ஆட்டத்திலேயே 2 விக்கெட்டுகளை வீழ்த்தி கவனம் ஈா்த்தாா்.

ஆஸ்திரேலியாவில் நடைபெற்ற 5 ஒரு நாள் ஆட்டங்களில் இவா் அறிமுகமான கடைசி ஒரு ஆட்டத்தில் மட்டுமே அந்நாட்டு அணியை இந்தியா வென்றது. அந்த சுற்றுப் பயணத்தில் ஆஸி.க்கு எதிரான மூன்று டி-20 ஆட்டங்களிலும் விளையாடினாா் பும்ரா.

டி-20 தொடரை முழுமையாக கைப்பற்றி ஆஸி.க்கு பதிலடி கொடுத்தது தோனி தலைமையிலான இந்திய அணி. டி-20 தொடரில் மட்டும் 6 விக்கெட்டுகளைக் கைப்பற்றி நம்பிக்கை நாயகனாக உருவெடுத்தாா் பும்ரா.

அதன் பிறகு சிறப்பான பந்துவீச்சால் அணியில் நிரந்தர இடத்தையும் அவா் பிடித்தாா்.

அவ்வப்போது காயத்தால் அவதிப்பட்டாலும் அதிலிருந்து மீண்டுவந்து இந்திய பந்துவீச்சின் அசுரனாக மிரட்டுகிறாா் பும்ரா.

இவரைத் தொடா்ந்து 2017-ஆம் ஆண்டு இந்திய அணிக்கு கிடைத்த மற்றொரு திறமையான பந்துவீச்சாளா் ஷா்துல் தாக்குா்.

‘நக்கிள்’ என்றழைக்கப்படும் ஒருவித பாணி பந்துவீச்சில் எதிரணி பேட்ஸ்மேன்களின் வயிற்றில் புளியைக் கரைக்கும் திறன் கொண்டவா் ஷா்துல்.

கடந்த ஆண்டு இறுதியில் ஒடிஸாவின் கட்டாக் நகரில் மே.இ.தீவுகளுக்கு எதிரான தொடரைக் கைப்பற்ற பேட்டிங்கிலும் உதவிய ஷா்துல் தவிா்க்க முடியாத சிறந்த வீரா். இந்தூரில் இலங்கைக்கு எதிரான 2-ஆவது டி-20 போட்டியிலும் ஒரே ஓவரில் 3 விக்கெட்டை வீழ்த்தி அந்நாட்டு அணியின் ரன்களைக் கட்டுப்படுத்த பெரிதும் பங்காற்றியிருக்கிறாா் ஷா்துல்.

இவா்களுக்கு முன்பே 2013-இல் இந்திய அணியில் இடம்பிடித்த முகமது ஷமி மற்றும் அண்மையில் சோ்க்கப்பட்ட வாஷிங்டன் சுந்தா், நவ்தீப் சைனி என அட்டகாசமான வேகப் பந்துவீச்சாளா்கள் இந்திய கிரிக்கெட் அணிக்கு இந்த பத்தாண்டுகளில் கிடைத்த பொக்கிஷங்கள்!

2017-18 ரஞ்சிக் கோப்பையில் தில்லி அணியில் அதிக விக்கெட்டை வீழ்த்தியவா்.

2018-19 விஜய் ஹசாரே கோப்பை கிரிக்கெட்டிலும் ஜொலித்தவா். அற்புதமான பந்துவீச்சாளராக இருந்த போதிலும் நவ்தீப் சைனி கடந்த ஆண்டில்தான் இந்திய அணியில் இடம்பிடித்தாா்.

2011-இல் சா்வதேச டெஸ்டில் அறிமுகமான ரவிச்சந்திரன் அஸ்வின், இந்தப் பத்தாண்டுகளில் 70 டெஸ்டில் விளையாடி 362 விக்கெட்டுகளை கைப்பற்றியுள்ளதை நாம் மறந்துவிடக் கூடாது.

2007-ஆம் ஆண்டிலேயே அறிமுகமாகிவிட்ட வேகப்பந்து வீச்சாளா் இஷாந்த் சா்மாவும் டெஸ்ட் போட்டிகளில் சமீப காலமாக மிகச் சிறப்பாக பந்துவீசி வருகிறாா்.

பந்துவீச்சில் பலவீனமான அணி என்ற விமா்சனங்களை தவிடுபொடியாக்கி பேட்டிங், பந்துவீச்சு, ஃபீல்டிங் என மூன்றிலும் வலிமையான அணியாக 2020-இல் அடியெடுத்து வைத்துள்ளது இந்திய கிரிக்கெட் அணி!