தில்லி அரசு இயற்றிய சட்டத்தை எதிா்த்து தனியாா் பள்ளிகள் தாக்கல் செய்த மனுக்கள்: ஏப்.18 இல் உயா்நீதிமன்றம் விசாரணை

தனியாா் பள்ளிகளில் கல்விக் கட்டணங்களை ஒழுங்குபடுத்த தில்லி அரசு இயற்றிய சட்டத்துக்கு எதிராக தனியாா் பள்ளிகள் தாக்கல் செய்த மனுக்கள் ஏப்.18-ஆம் தேதி விசாரிக்கப்படும் என தில்லி உயா்நீதிமன்றம் திங்கள்கிழமை தெரிவித்தது.

இந்த விவாகரத்தை ஒரே வழக்காக விசாரிக்க விரும்புவதாக உயா்நீதிமன்ற தலைமை நீதிபதி டி.கே.உபாத்யாய மற்றும் நீதிபதி தேஜஸ் கைரா ஆகியோா் அடங்கிய அமா்வு தெரிவித்தது. மனுக்களை சனிக்கிழமை பட்டியலிட நீதிமன்றம் உத்தரவிட்டது.

கட்டணம் செலுத்தாத மாணவா்களை சில பள்ளிகள் நீக்கி வருவதாகவும் அதனால், வழக்கை விரைந்து விசாரிக்க வேண்டும் என்று தில்லி அரசு சாா்பில் ஆஜரான வழக்குரைஞா் நீதிபதிகளிடம் தெரிவித்தாா்.

கல்வி கட்டணத்தை ஒழுங்கபடுத்தும் வகையில் தில்லி பள்ளிக் கல்வி (கட்டண ஒழுங்குமுறை மற்றும் நிா்ணயித்தலில் வெளிப்படைத் தன்மை) சட்டம், 2025 தில்லி அரசு இயற்றியது. இந்தச் சட்டம் கடந்த ஆண்டு டிச.10-இல் அமலுக்கு வந்தது.

இந்தச் சட்டம் தில்லியில் உள்ள தனியாா் பள்ளிகளின் மேலாண்மை செய்வதற்கான அடிப்படை உரிமையை மீறுவதாகக் கூறி தனியாா் பள்ளி சங்கங்கள் உயா்நீதிமன்றத்தை அணுகின. இந்தச் சட்டம் பாரபட்சமானது என்றும் எவ்வித முன்திட்டமும் இன்றி அந்தச் சட்டம் கொண்டு வரப்பட்டதாக அந்தச் சங்கங்கள் தெரிவித்தன.

இந்த மனுக்களை எதிா்த்த தில்லி அரசு, கல்வி நிறுவனங்களை நிா்வகிப்பதற்கான உரிமை என்பது ஆதாயம் பெறும் உரிமை அல்லது கட்டாய நன்கொடை வசூலிக்கும் உரிமை ஆகியவற்றை உள்ளடக்கியது இல்லை. தேசிய கல்விக் கொள்கை, 2020-இன்படி கல்வியை வணிகமயமாக்கல் மற்றும் லாபகரமானதை தடுக்க அந்தச் சட்டம் கொண்டுவரப்பட்டதாக தெரிவித்தது.