புதுச்சேரியில் காமராஜர் பிறந்தநாள் விழா: துணைநிலை ஆளுநர், முதல்வர் சிலைக்கு மாலை அணிவித்து மரியாதை

புதுச்சேரியில் கர்மவீரர் காமராஜரின் 118 ஆவது பிறந்த விழா வியாழக்கிழமை கொண்டாடப்பட்டது.

காமராஜர் பிறந்தநாளையொட்டி,  காமராஜர் சிலைக்கு மாலை அணிவித்து மரியாதை செலுத்திய முதல்வர் என்.ரங்கசாமி, பேரவைத் தலைவர், அமைச்சர்கள்.

காமராஜர் பிறந்தநாளையொட்டி,  புதுச்சேரி அண்ணாசாலையில் அமைந்துள்ள காமராஜர் சிலைக்கு, அரசு சார்பில் துணைநிலை ஆளுநர் தமிழிசை சௌவுந்தரராஜன், முதல்வர் என்.ரங்கசாமி, சட்டப்பேரவைத் தலைவர் ஆர். செல்வம், உள்துறை அமைச்சர் ஏ.நமச்சிவாயம், பொதுப்பணித்துறை அமைச்சர் க. லட்சுமிநாராயணன், வேளாண்துறை அமைச்சர் சி.ஜெயகுமார் மற்றும் என் ஆர் காங்கிரஸ், பாஜக சட்டப்பேரவை உறுப்பினர்கள், சிலைக்கு மாலை அணிவித்து மரியாதை செலுத்தினர்.