அரசு மருத்துவமனை முதல்வர்கள் இடமாற்றம்

தமிழகத்தில் உள்ள 7 அரசு மருத்துவமனை முதல்வர்கள் (டீன்கள்) இடமாற்றம் செய்யப்பட்டுள்ளனர். மேலும் 2 அரசு மருத்துவமனைகளுக்கு புதிய முதல்வர்கள் நியமிக்கப்பட்டுள்ளனர்.

 மதுரை அரசு மருத்துவமனை டீனாக இருந்த டாக்டர் பி. சாந்தகுமார் தூத்துக்குடிக்கு இடமாற்றம் செய்யப்பட்டுள்ளார். தூத்துக்குடி அரசு மருத்துவமனை டீன் டாக்டர் எட்வின்ஜோ கோவைக்கும், டாக்டர் ரேவதிகயிலைராஜன் கோவையிலிருந்து மதுரைக்கும் இடமாற்றம் செய்யப்பட்டுள்ளனர்.

 டாக்டர் மீனாட்சிசுந்தரம் சென்னை ஸ்டான்லி மருத்துவமனையிலிருந்து திருவாரூர் அரசு மருத்துவமனைக்கும், திருவண்ணாமலை அரசு மருத்துவமனையிலிருந்து டாக்டர் நாராயணபாபு கீழ்ப்பாக்கம் மருத்துவமனைக்கும் இடமாற்றம் செய்யப்பட்டுள்ளனர். கீழ்ப்பாக்கம் அரசு மருத்துவமனை டீனாக உள்ள டாக்டர் குணசேகரன் திருவண்ணாமலைக்கு இடமாற்றம் செய்யப்பட்டுள்ளார்.

  புதிய முதல்வர்கள்: மதுரை பொது மருத்துவத்துறை தலைவராக உள்ள டாக்டர் வடிவேல்முருகன் கன்னியாகுமரி அரசு மருத்துவமனைக்கும், அறுவைச் சிகிச்சைப் பிரிவு டாக்டர் நஷீர் தர்மபுரிக்கும், கோவையைச் சேர்ந்த டாக்டர் ஐசக்மோசஸ் செங்கல்பட்டு மருத்துவமனைக்கும் புதிதாக டீனாக நியமிக்கப்பட்டுள்ளனர்.

  கோவையிலிருந்த மதுரைக்கு இடமாறுதலாகி வரும் டாக்டர் ரேவதி கயிலைராஜன் மதுரை மருத்துவக் கல்லூரியில் பயின்றவர். அரசு மருத்துவமனையில் பிரசவச் சிகிச்சைப் பிரிவில் துறைத் தலைவராக திறன்படச் செயல்பட்டவர். அவரது பணித்திறமைக்காக மாவட்ட, மாநில அளவில் பல பாராட்டுகளைப் பெற்றவர். இவரது கணவர் பிரபல நரம்பியல் துறை பேராசிரியர் டாக்டர் கயிலைராஜன். இவர்களது மகன் டாக்டர் ராஜராஜன் மருத்துவக் கல்லூரியல் மாநில அளவில் தஙக்ப்பதக்கம் பெற்று அரசு மருத்துவராக உள்ளார்.