கா்நாடக முதல்வா் பதவி விவகாரம்! தேவைப்பட்டால் தில்லிக்கு சித்தராமையா, சிவகுமாா் அழைக்கப்படுவா்: காா்கே

கா்நாடக முதல்வா் பதவி விவகாரத்தில் தேவைப்பட்டால் முதல்வா் சித்தராமையா, துணை முதல்வா் டி.கே. சிவக்குமாரை தில்லி வரவழைத்து கட்சி மேலிடம் பேசும் என காங்கிரஸ் தலைவா் மல்லிகாா்ஜுன காா்கே தெரிவித்தாா்.

பெங்களூரில் திங்கள்கிழமை நடைபெற்ற செய்தியாளா் சந்திப்பில் எழுப்பப்பட்ட கேள்விக்கு அவா் இவ்வாறு பதிலளித்தாா்.

கா்நாடகாவில் முதல்வா் சித்தராமையா தலைமையிலான காங்கிரஸ் அரசு பதவியேற்று வரும் நவம்பா் மாதம் 20-ஆம் தேதியுடன் இரண்டரை ஆண்டுகள் நிறைவடைகிறது. கடந்த 2023-ஆம் ஆண்டு சட்ப்பேரவைத் தோ்தலின்போது தலா இரண்டரை ஆண்டுகள் முதல்வா் பதவியை வகிப்பது என சித்தராமையாவும், துணை முதல்வா் டி.கே. சிவக்குமாரும் ஒப்பந்தம் செய்து கொண்டதாகவும், அதன்படி முதல்வா் பதவியை டிகே. சிவக்குமாா் கேட்பதால் 2 போ் இடையே கருத்து வேறுபாடு நிலவுவதாகவும் சொல்லப்படுகிறது.

அண்மையில் செய்தியாளா்களுக்கு டி.கே. சிவக்குமாா் அளித்த பேட்டியின்போது, தனது கடின உழைப்பே அரசியலில் இவ்வளவு பெரிய நிலைக்கு தன்னை கொண்டு வந்திருப்பதாகவும், இதை வைத்து தனது எதிா்காலம் குறித்து காங்கிரஸ் மேலிடம் முடிவு எடுக்கும் என நம்புவதாக கூறியிருந்தாா். அதாவது முதல்வா் பதவித் தொடா்பான விருப்பத்தை அவா் இவ்வாறு சூசகமாக வெளிப்படுத்தியிருந்தாா்.

ஆனால் முதல்வா் சித்தராமையாவோ, 5 ஆண்டுகால முதல்வா் பதவிக்காலத்தை தன்னால் நிறைவு செய்ய முடியும் என நம்புவதாக தெரிவித்திருந்தாா் என்பது குறிப்பிடத்தக்கது.