நீக்கப்பட்ட தனது உரைப் பகுதியை மீண்டும் சோ்க்க காா்கே வலியுறுத்தல்: அவைத் தலைவா் மறுப்பு

‘மாநிலங்களவையில் தனது உரையில் நீக்கப்பட்ட பகுதிகளை மீண்டும் சோ்க்குமாறு எதிா்க்கட்சித் தலைவா் மல்லிகாா்ஜுன காா்கே விடுத்த கோரிக்கையை அவைத் தலைவா் சி.பி. ராதாகிருஷ்ணன் நிராகரித்தாா்.

‘அவைத் தலைவரின் முடிவை கேள்வி எழுப்ப முடியாது’ என்றும் அவா் அப்போது குறிப்பிட்டாா்.

மாநிலங்களவையில் குடியரசுத் தலைவரின் உரைக்கு நன்றி தெரிவிக்கும் தீா்மானத்தின் மீது கடந்த 4-ஆம் தேதி உரையாற்றிய மல்லிகாா்ஜுன காா்கே, மத்திய அரசின் கொள்கைகள் குறித்தும், பிரதமா் நரேந்திர மோடி குறித்தும் கடுமையான விமா்சனங்களை முன்வைத்தாா்.

மாநிலங்களவை வலைதளத்தில் பதிவேற்றும்போதும், இந்த விமா்சனங்கள் உள்பட காா்கே உரையின் பெரும்பகுதி நீக்கப்பட்டது.

இந்த நிலையில், மாநிலங்களவையில் வெள்ளிக்கிழமை கேள்வி நேரத்தின்போது இந்த விவகாரத்தை காா்கே எழுப்பினாா். எனது உரையில், பல முக்கிய கருத்துகள், உண்மைகள் மற்றும் நாடாளுமன்ற நடைமுறைக்கான சமூக நீதி கருத்துகளையும் குறிப்பிட்டிருந்தேன். ஆனால், எந்தவித நியாயமான கரணங்களும் இன்றி, எனது உரையின் பெரும் பகுதி நீக்கப்பட்டுள்ளது. மத்திய அரசின் கொள்கைகளையும், பிரதமா் மேடியின் குறிப்பிட்ட திட்டங்களையும் விமா்சிப்பது எதிா்க்கட்சித் தலைவராக எனக்குள்ள கடமையும், உரிமையுமாகும். 50 ஆண்டுகளாக நாடாளுமன்ற உறுப்பினா் பதவியை வகித்து வரும் நான், மாநிலங்களவை நடத்தை விதி 261-க்கு உட்பட்டே உரையாற்றினேன். எனவே, நீக்கப்பட்ட எனது உரையை மீண்டும் சோ்க்குமாறு கோருகிறேன்’ என்றாா்.

அப்போது, ‘இதுகுறித்து பரிசீலிக்கப்படும்’ என்று அவைத் தலைவா் சி.பி.ராதாகிருஷ்ணன் கூறினாா்.

தொடா்ந்து பேசிய காா்கே, ‘அவ்வாறு நீக்கப்பட்ட எனது உரையின் பகுதி மீண்டும் சோ்க்கப்படவில்லை எனில், பொதுவெளியில் அதை வெளியிட நேரிடும்’ என்றாா்.

இதைக் கேட்ட அவைத் தலைவா், ‘இவ்வாறு கூறுவது சரியல்ல. இதை ஏற்றுக்கொள்ள முடியாது. இது ஜனநாயக முறையல்ல. அவைத் தலைவருக்கு உறுப்பினா் அறிவுறுத்தலைப் பிறப்பிக்க முடியாது’ என்றாா்.

அப்போது, ‘அவைத் தலைவரை உறுப்பினா் கேள்வி கேட்க முடியாது’ என்று மத்திய நிதியமைச்சா் நிா்மலா சீதாராமனும் குறிப்பிட்டாா். அவா் மேலும் பேசுகையில், ‘காா்கே இவ்வாறு பேசுவது எதிா்க்கட்சித் தலைவா் பதவிக்கு உகந்ததல்ல. அவைக்குப் பொருந்தாத அல்லது கண்ணியமற்ற சொல் அல்லது கருத்துகள் உரையில் இடம்பெற்றுள்ளதாக அவைத் தலைவா் கருதினால், அந்தப் பகுதியை தனது விருப்பப்படி விதி 261-இன் கீழ் அவைக் குறிப்பிலிருந்து நீக்க உத்தரவிடலாம். எனவே, அவைத் தலைவருக்கு உரிய மரியாதை அளிக்கப்பட வேண்டும்’ என்றாா்.

அதைத் தொடா்ந்து, கேள்வி நேரத்தைத் தொடர அவைத் தலைவா் அறிவுறுத்தினாா். ஆனால், நீக்கப்பட்ட காா்கேயின் உரையை மீண்டும் சோ்க்க வலியுறுத்தி காங்கிரஸ் உறுப்பினா்கள் அமளியில் ஈடுபட்டனா். இந்தக் கோரிக்கையை ஏற்க மறுத்த அவைத் தலைவா், ‘அவைத் தலைவரை உறுப்பினா் கேள்வி கேட்க முடியாது’ என்று மீண்டும் குறிப்பிட்டாா்.