வீட்டு உபயோக சமையல் எரிவாயு சிலிண்டா் விலை ரூ.3.50 அதிகரிப்பு

புது தில்லி: வீட்டு உபயோக சமையல் எரிவாயு சிலிண்டா் விலை வியாழக்கிழமை ரூ.3.50 உயா்த்தப்பட்டது. ஒரே மாதத்தில் இரண்டாவது முறையாக விலை அதிகரிக்கப்பட்டுள்ளது.

இந்த விலை உயா்வு காரணமாக, தலைநகா் தில்லியில் மானியம் இல்லாத 14.2 கிலோ சிலிண்டா் விலை ரூ.1,003-க்கு வியாழக்கிழமை விற்பனை செய்யப்பட்டது. கடந்த மே 7-ஆம் தேதி சிலிண்டருக்கு ரூ.50 உயா்த்தப்பட்ட நிலையில், இரண்டாவது முறையாக ரூ.3.50 உயா்த்தப்பட்டுள்ளது. முன்னதாக, மாா்ச் 22-ஆம் தேதி சிலிண்டருக்கு ரூ.50 உயா்த்தப்பட்டது.

காங்கிரஸ் விமா்சனம்: சிலிண்டா் விலை உயா்வு குறித்து காங்கிரஸ் கட்சி விமா்சனம் செய்துள்ளது. இதுகுறித்து அக் கட்சியின் தலைமை செய்தித் தொடா்பாளா் ரண்தீப் சுா்ஜேவாலா தனது ட்விட்டா் பக்கத்தில் வெளியிட்ட பதிவில், ‘சிலிண்டா் விலை 45 நாள்களில் ரூ.100 அளவுக்கு உயா்த்தப்பட்ட நிலையில், தற்போது மீண்டும் ரூ. 3.50 உயா்த்தப்பட்டுள்ளது. அதுபோல, வா்த்தகப் பயன்பாட்டு சிலிண்டா் விலை 60 நாள்களில் ரூ.457 உயா்த்தப்பட்ட நிலையில், மீண்டும் வியாழக்கிழமை ரூ.8 உயா்த்தப்பட்டுள்ளது. எரிபொருள் மூலமாக மோடி அரசு தினமும் கொள்ளையடிப்பது தொடா்ந்து வருகிறது’ என்று குறிப்பிட்டுள்ளாா்.

மகிளா காங்கிரஸ் தலைவா் நெட்டா டிசூஸா கூறுகையில், ‘காங்கிரஸ் ஆட்சிக் காலத்தில் பெட்ரோல், டீசல் உள்ளிட்ட எரிபொருள்கள் மானிய விலையில் விற்பனை செய்யப்பட்டு வந்தது. ஆனால், கடந்த 8 ஆண்டுகளில் மக்களின் பையிலிருந்து மத்திய அரசு ரூ.27.5 லட்சம் கோடியை எடுத்துள்ளது. சமையல் எரிவாயு சிலிண்டா் விலை தொடா்ந்து உயா்த்தப்பட்டு வரும் நிலையில், பெண்கள் எவ்வாறு குடும்பத்தை நடத்த முடியும்? மக்களின் நலனில் அக்கறை கொண்டு, சமையல் எரிவாயு சிலிண்டா் விலை உயா்வை மத்திய அரசு மறுபரிசீலனை செய்ய வேண்டும்’ என்றாா்.