ஜம்மு-காஷ்மீரில் சிறிய பேருந்து பள்ளத்தில் கவிழ்ந்ததில் 12 பேர் பலி; 10க்கும் மேற்பட்டோர் காயம்

ஜம்மு: ஜம்மு காஷ்மீர் மாநிலத்தில் அதிக பயணிகளை ஏற்றிக் கொண்டு வந்த சிறிய பேருந்து 200 அடி பள்ளத்தில் விழுந்ததில் 12 பேர் பலியாகினர். 10க்கும் மேற்பட்டோர் காயமடைந்தனர்.

ஜம்மு - ஸ்ரீநகர் தேசிய நெடுஞ்சாலையில் கேலா மோட் என்ற இடத்தில் இந்த விபத்து நிகழ்ந்துள்ளது.

இந்த விபத்தில் 16 பேர் படுகாயமடைந்து மருத்துவமனைகளுக்குக் கொண்டு செல்லப்பட்டுள்ளனர். மீட்புப் பணியில் காவல்துறை, ராணுவம், பொதுமக்கள் என பல தரப்பினர் ஈடுபட்டுள்ளனர்.