சர்க்கரை குறைபாடு உள்ளவர்களுக்கான உணவு!

முதலில் கோவக்காய் மற்றும் கேரட்டை நன்றாக கழுவி பொடியாக நறுக்கிக் கொள்ளவும்.

Updated On :31 ஜனவரி 2024, 10:34 am

பகிர்:

கோவக்காய் கோதுமை நொய்க் கஞ்சி

தேவையான பொருட்கள்

கோதுமை நொய் - 100 கிராம்
கோவக்காய் - 10
தேங்காய்ப் பால் - 50 மி.லி
கேரட் - 2
பட்டாணி - சிறிதளவு
கொத்தமல்லித் தழை - சிறிதளவு
உப்பு - தேவையான அளவு
தண்ணீர் - தேவையான அளவு

செய்முறை

முதலில் கோவக்காய் மற்றும் கேரட்டை நன்றாக கழுவி பொடியாக நறுக்கிக் கொள்ளவும்.

நறுக்கி வைத்துள்ள கோவக்காய் மற்றும் கேரட் மற்றும் பட்டாணியை நீராவியில் வேகவைக்கவும்.

ஒரு பாத்திரத்தில் தேவையான அளவு தண்ணீர் ஊற்றி சூடு படுத்தவும்.

தண்ணீர் கொதிநிலை வந்தவுடன் அதில் கோதுமை நொய் மற்றும் தேங்காய் பால் சேர்த்து கொதிக்க வைக்கவும்.

நன்கு கஞ்சி பதம் வந்தவுடன் அதில் நீராவியில் வேக வைத்த காய்களை சேர்த்து அதில் தேவையான அளவு உப்பு சேர்த்து கலக்கி பின்பு கொத்தமல்லித் தழை சேர்த்து இறக்கி வைக்கவும்.

பயன்கள்

இந்தக் கஞ்சியில் காய்கள் நிறைந்திருப்பதால் தாதுக்கள், விட்டமின் மற்றும் நார்ச்சத்து நிறைந்திருக்கும்.

சத்துக்கள் நிறைந்த கஞ்சியை சர்க்கரை குறைபாடு உள்ளவர்கள் ஒரு வேளை உணவாக உட்கொண்டு வந்தால் சர்க்கரையை கட்டுக்குள் வைக்க முடியும்.

தினமும் இரவு படுக்கப் போகும் முன் வெற்றிலை (2), மிளகு(2) , உலர் திராட்சை (5) இவை மூன்றையும் சேர்த்து வாயில் போட்டு மென்று தின்று முழுங்கவும்.

குறிப்பு : அனைத்து காய்களையும், கீரைகளையும் நீராவியில் வேக வைத்து உணவாக சாப்பிட்டு வரவும். பச்சை மிளகாய்க்கு மாற்றாக இஞ்சியையும் வரமிளகாய்க்கு மாற்றாக மிளகையும் பயன்படுத்தவும்.

கோவை பாலா
இயற்கை வாழ்வியல் நல ஆலோசகர்
96557 58609 / Covaibala15@gmail.com

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News