தேவா குரலில் வெளியான ஜெய்யின் புதிய படத்தின் பாடல்! இணையத்தில் வைரல்!

நடிகர் ஜெய்யின் சட்டென்று மாறுது வானிலை படத்தின் புதிய பாடல் ரசிகர்களின் கவனத்தை ஈர்த்து வருகிறது.

இயக்குநர் ஏ. ஆர். முருகதாஸிடம் சர்கார் மற்றும் தர்பார் படங்களில் உதவி இயக்குநராக பணியாற்றிய பாபு விஜய், நடிகர் ஜெய்யை வைத்து புதிய படத்தை இயக்குகிறார்.

நாயகியாக மீனாட்சி கோவிந்தராஜன் நடிக்கிறார். இவர்களுடன் யோகிபாபு, கேஜிஎஃப் புகழ் கருடா ராம், ஶ்ரீமன், ஆதித்யா கதிர் ஆகியோர் முக்கிய பாத்திரங்களில் நடிக்கின்றனர்.

இயக்குநர் பாபு விஜய் தயாரித்து, இயக்கும் இப்படத்திற்கு கிரிஷ் கோபாலகிருஷ்ணன் இசையமைக்கிறார். ரிச்சர்ட் எம் நாதன் ஒளிப்பதிவு செய்கிறார்.

இந்தப் படத்துக்கு சட்டென்று மாறுது வானிலை எனப் பெயரிடப்பட்டுள்ளது. இப்படத்தின் படப்பிடிப்பு சென்னை, கொடைக்கானல், நெல்லூர் ஆகிய இடங்களில் எடுக்கப்பட்டது.

இந்த நிலையில், சட்டென்று மாறுது வானிலை படத்தின் 'அக்கடி கொழுத்து பக்கடி' என்ற பாடலை படக்குழு வெளியிட்ட நிலையில், இந்தப் பாடல் இணையத்தில் வைரலாகி வருகிறது.

இந்தப் பாடலை இசையமைப்பாளர் தேவா பாடியுள்ளார், வரிகளை கிரிஷ் ஜி, எம்.எஸ். கிருஷ்ணா ஆகியோர் எழுதியுள்ளனர்.