புஷ்கர் - காயத்ரி இயக்கத்தில் சிவகார்த்திகேயன்?

இயக்குநர்கள் புஷ்கர் - காயத்ரி இயக்கத்தில் நடிகர் சிவகார்த்திகேயன் நடிக்க உள்ளதாகத் தகவல் வெளியாகியுள்ளது.

நடிகர் சிவகார்த்திகேயன் மதராஸி, பராசக்தி ஆகிய படங்களை அடுத்தடுத்த வெளியீடாக வைத்திருக்கிறார். தொடர்ந்து, குட் நைட் படம் மூலம் கவனிக்கப்பட்ட இயக்குநர் விநாயக் சந்திரசேகர் படத்தில் நடிக்கிறார்.

இந்த நிலையில், தமிழின் முன்னணி இயக்குநர்கள் இணையான புஷ்கர் - காயத்ரி நடிகர் சிவகார்த்திகேயனுக்கு கதை சொன்னதாகவும் அது எஸ்கேவுக்குப் பிடிக்க முதல்கட்ட பேச்சுவார்த்தை முடிந்ததாகவும் தகவல்கள் தெரிவிக்கின்றன.

ஓரம் போ, விக்ரம் வேதா உள்ளிட்ட படங்களால் கவனிக்கப்பட்ட புஷ்கர் - காயத்ரி சுழல் தொடருக்கு கதை எழுதி பெரிதாகப் பாராட்டுகளைப் பெற்றனர்.

இவர்களுடன் சிவகார்த்திகேயன் இணையவுள்ள தகவல் ரசிகர்களிடம் எதிர்பார்ப்பை அதிகரிக்கச் செய்துள்ளது.

இதையும் படிக்க: ஓடிடியில் மெட்ராஸ் மேட்னி!